ဟု္မႝီ.ဍဳံလုက္ေကာ၀္ၾကင္ေခါဟ္ဍာယုိ၀္ လု္ဟွာေဟွ၀္ လု္ဟွာေဟွ၀္ မု္ေသွ္႓းမု္ဖႜံင့္ဟွး႓းသာ မု္ေဍာဟ္ယွာ.စီကႜာ႓းသာ၊ မု္ထု္ယ၀္.ျပာထာ့႓းသာ ကို၀္ဟွာေဍဏွ္လွ္။ေသွ္ဖႜံင့္ဟွး အု္ထ၀့္ထုက္အၥာေခါဟ္စံင္း(ပါရဂူ)ဏွ္ ဆု္ထင္းထံင္ယွာခုိ၀္းလွ္။ ဆု္ေဍာဟ္ယွာ.စီကႜာ အု္ထ၀့္ထုက္(မီလ်ံနာ)ဏွ္ ဆု္ထံင္ယွာခုိ၀္းလွ္။ ထု္ယ၀္ျပာထာ့ အၥာလု္၀ၚ အု္ထ၀့္ထုက္ (ေဏ၀္.နုိ၀္႓ယ္လ္လ်ာသာ္) ေ႓့ (ရာေစန္နတု္ဂုိ၀္း)သုိ၀္ အွ္ယွာေ၀့လွ္။ ဆု္လု္အု္ထ၀့္ထုက္ဏွ္ သု္ရုဂ္ထင္းမု္ထံင္ မု္ေဏ၀္႓းဏွ္ ကးစြးမာလွ္။ မု္ထံင္႓းသာအု္ထ၀့္ ကုက္ေကႜစိုဒ္ထင္းလာဏင့္သီး ဟု္မႝီ.လု္လာ.ဏွ္ မု္ထံင္ဏင္ဟွာသီး ကးမာလွ္။
ဆု္လု္မိင္ေဟွ၀္ လု္မိင္ေဟွ၀္ ေအေသွ္ဏါင္း ထ၀့္ဏါင္း႓းသာ ဆု္ဟွဴ႕ဟွာစာ္႓ုိ၀္ မု္႓းေကႜစိုဒ္ထင္း တု္ယွာ.ေဆ၀္.လွ္။ေကႜစုိဒ္ကုက္တု္ယွာ.အးဏိင္းအးလာယုဂ္သီး ေ႓့သာအွ္သို၀္၊ ေ႓့ဆု္ပု္ေယာတ္အွ္သို၀္ မု္ထံင္ကို၀္ဟွာေဍသီး မြာဲေအးဟွဟ္။႓းဏင္ဏင္ ေကႜစုိဒ္တု္ယွာ.ထံင္လု္ဖုိ၀္ဖင့္ လု္တု္၀ါ ဍးခံင္ဆု္ကးဆု္ဟွယ္ ဆု္ႏံု႔ဆု္ဏာ ႓းပု္ထုက္ခြိက္လွ္။ ႓းဏင္ဏင္ဏွ္ ဍးခံင္ဆု္ကးဆု္ဟွယ္ အု္ထ၀္ထ၀္သီး ပါကာေအး အု္တုိင္႓းေကႜစိုဒ္ဏွ္ ေကႜစိုဒ္တုိဒ္ထင္း တု္ယွာ.လု္႓ႜင္ ေ႓့သာအွ္ ဆု္ပု္ေယာတ္အွ္သို၀္ ထံင္ေ၀့လု္အု္ထ၀့္ထုက္အုိ၀္လွ္။
ဆက္ဖတ္ရန္...
Subscribe to:
Posts (Atom)
ေအထံင္ လု္အု္ထ၀့္ထုက္ လု္ဟွာဟွာဏွ္ မႝီ.ထုိင္ေကာ၀္ၾကင္သာ့ အင္းအုဂ္ထုိင္သာ့ဆုိင္ေ၀့ ျပာျပာေဆ၀္.လွ္။ ေကာ၀္ၾကင္ဖိုင္ ႓းဆာင့္ေခါဟ္လံင္လု္ဖးဏွ္(ဏိပု္လ္)ခါန္.ဖုိင္ ဟိမ၀ႏၱာ၊ ဧ၀ရက္ေခါဟ္လံင္ဍင္ဍီးဏွ္ ကဲအု္ထ၀့္ထုက္လွ္။ ဆု္ထင္းအု္ဍင္ဍီးထံင္ဏင္ဟွာေအးလွ္။ လာဏင့္႓ို၀္ ဆု္ေကႜစိုဒ္စြး ေခါ၀္လာအြာ (ဏု္ယူ႔ဇီလာန္ေဖါဟ္) ဃွီ႔လာရီေဍ (ဏိပု္လ္)ခါန္.ေဖါဟ္ ေတန္ေဆန္းဏီ့ဟွာ ကုက္တု္ယွာ.ေလ၀္ထင္းထံင္
လု္႓ႜင္ ဂမႜိဳင္.ထုိင္.ေကာ၀္ၾကင္လု္ဖး အင္းအုဂ္ထုိင္.သာ့ဆုိင္ ေတၞင့္ဆုိင္သာ ကို၀္ဟွာေဍလွ္။ ဆု္ထင္းလု္ထံင္ဏင္ဆုိ၀္ ဆု္ထင္းမု္ထံင္သီး ဆု္လု္အွ္သာ႓း လု္လာဖုိင္အုိ၀္ (အု္ေမရိကံ)ခါန္.ေဖါဟ္ အ၀္ဍေရန္သယ္ ေလ၀္ထင္းေဍ ကႜဳဂ္ယူ စါင္းလင္ေဍ ကဲုမုဂ္ဖုိ၀္ဖင့္ဏွ္ ထံင္ထင္းလု္လာဖုိင္အုိ၀္ လု္႓ႜင္ ထုိင္ေကာ၀္ၾကင္ဖုိင္ ဂမႜိဳင္လု္ဖး အင္းအုဂ္ဆုိင္ ေတၞင့္ဆုိင္သာ ကို၀္ဟွာေဍေဆ၀္.လွ္။
ဟု္ထင္းဆု္လု္အု္ထ၀့္ထုက္သီးယုိ၀္ ကးေ၀့စြးမာလွ္။ လု္ထံင္ဍာ္႓း အု္႓ိုင္ဆုိင္ဏွ္ မု္႓းဍးခံင္ ဆု္ကးဆု္ဟွယ္ အု္ထ၀္ထ၀္ ဆု္ယွင္းယးႏံ႔ဏါ အု္ေဆာဟ္ေဆာဟ္ဏွ္ေဆ၀္.လွ္။ ဍးခံင္လာဏင့္ ဆု္ကးဆု္ဟွယ္သီး
သာမဲလု္ေဃွ၀္ တုိဒ္ခြိက္ ဆင္းခြိက္ေအဖႜဲဏွ္ မု္ေဏ၀္ေ၀့ဆု္ဖံင္ေဖႜ ဆု္႓ွ္ယ၀့္ဏွ္ေဆ၀္.လွ္။ ေကႜစုိဒ္တုိဒ္ထင္းယုက္သီး ထင္းလု္ေသွ္ လု္႓းဍာ္႓းစာ္႓ို၀္ အွ္ပြၚဆံင့္မံင္း ကံုးေယာ၀္ဏင္႓ႜင္ဍ၀္လွ္။ ထင္းေယာ၀္အးမိင္အးစိင္စာ္႓ို၀္ ယိက္ယိက္ခုိ၀္း မု္ဖႜံင့္ဟွး ထင္းထ၀့္ေ၀့ဏင္စံင္းေဆ၀္.လွ္။ ေအဖႜံင့္ဟွး ထင္းထ၀့္ဏင္ထီး ထင္းထာင္လု္အု္ဍင္ဍီး အု္ထ၀့္ထုက္ဏွ္ ထံင္ဖႜဲေ၀့လွ္။ ဆု္ကးဆု္ဟွယ္လု္ဖးဏွ္
ဏု္လု္တုိဒ္ခြိက္႓း ဏု္ထင္းဆု္ ဖႜိဳ၀္လု္ိင္ေအး ကု္ထးေ၀့ကဲေဆ၀္.လွ္။
ဆု္ကးဆု္ဟွယ္သီးယုိ၀္ ဟွာေဃွ၀္ဖံင္ေအး မု္႓းဍးခံင္ထု္မာလွ္။ ဍးခံင္လာဏင့္သီး သာမဲလု္ေဃွ၀္ အွ္ေကွ္သာေအဟွဳင္.ဏွ္ တုိဒ္ဖႜံင့္ထင္းခြိက္လု္ယာ့ ဖံႜင့္ယ၀့္ေ၀့လွ္။ဆု္ကးဆု္ဟွယ္ဏွ္ ပါကာလု္ေဃွ၀္ ဆု္ကးဆု္ဟွယ္ေအထံင္ဏွ္ ေ႓့မု္ဖံင္ေဖႜခြိက္သို၀္ ဆု္ကးဆု္ဟွယ္ေအဟွံင္ဏွ္ မု္ထံင္ထာင္ေ၀့ လု္ဆု္ယွဴး႓ွ္ဏွ္လွ္။ ဆု္လု္မိင္ေဟွ၀္ လု္မိင္ေဟွ၀္ လု္ထုင္.ယွင္း၀ီသာ႓း မု္ထံင္ဆု္ယွဴး႓ွ္ မြဲာေအးလွ္။ ထုင္.ယွင္းထုင္.ဆာ့သာယုဂ္ ေအဍးခံင္ဍာ္ ဆု္ကးဆု္ဟွယ္ဏွ္ ေ႓့မု္ဖံင္သို၀္ ေကႜစိုဒ္တုိဒ္ခြိက္သာ့ ကို၀္ဟွာေဍလွ္။ တုိဒ္ထင္းခြိက္ ဆု္ကးဆု္ဟွယ္ေအဟံွင္ မု္ထံင္တယ္ ဆု္လု္အု္ထ၀့္ထုက္ဏွ္လွ္။
ဆု္လု္မိင္မိင္ ကးလာဏင့္ ႓ို၀္ကးကး ဟု္မႝီ.ေအကုင္းဏွ္ ထုင္.ေ၀့ကဲေအး။ ႓းယ၀့္ထင္းထာင္လွ္။(ဟွိင္း႓းအွ္ေဍ အု္ထုင္း ဟုု္မႝီ.႓းအွ္ေဍဆု္ကုင္း)ယွာ.မာလုက္၀ယ္ေ႓့ဏွ္သို၀္ေဆ၀္.လွ္။ (ဟွိင္း႓းအွ္ေဍ အု္ဃွင့္ မႝီ.႓းအွ္ေဍဥာဏ့္) ဆု္ခႜါင္းအင္းသံင္းဏွ္သီး ကႜဳ္ဟု္႓းထံင္ဏါင္းေ၀့ဆာ့မာလွ္။ ဥာဏ့္ပညာ့ေ႓့မု္အးသို၀္ ေကႜစိုဒ္မာေလာဟ္၀ယ္ လိက္ေအအး၊ ဆု္ကံုးဆု္မံင္းေ႓့မု္ဖႜံင့္သို၀္ ေယာ၀္.လိက္ဏွ္ ေအစြး၊ ဍးခံင္လာဏင့္ ဆု္ကးဆု္ဟွယ္သီး ခိင့္ဖါေဍ ပညာ့ တုိဒ္ခြိက္ေဍ ဆု္ေသွ္ယာ့ ေအေကႜစိုဒ္တုိဒ္ခြိက္ တု္ယွာ.ယွာ.ဏွ္ လု္အု္ထ၀့္ထုက္ လင္ဍာဏွ္ မု္ထံင္ေ၀့ဏင္႓ႜင္လွ္။စင္႓ို၀္ လု္လင္ခါင့္ခ၀့္ ဆူ.လု္ေဃွ၀္၊ တုိဒ္ထင္းလာ. လု္ယာ့လု္ခ၀့္အုိ၀္ ကို၀္ဟွာေဍဆာ္…..။