ဖႜံဳဆုိဒ္ေဖါဟ္ကႜံင္ဓူေ၀ အု္ဟွာင္ၟက်ံင္း

ပု္ဖႜံဳဆုိဒ္ထူ႕ရူ႕ဓူေ၀ယို၀္ လု္အု္၀ီၟဍးခါ့ မြာဲေ၀့ဍး ပ၀္ၟသိင္းခင္းထာ္ ႓းလင္ကံုေ၀့ ေဍဆင့္ေမာ၀္ၟ ဆင့္ဖါ့သယ္ဏွ္လွ္။
ဓူေ၀့ ဟွယ့္ကဲထင္း အု္ဟွာင္က်ံင္းခင္းထာ္ဏွ္ဟွး…….
လု္အု္၀ီၟဍးအုိ၀္ ခြါဲက႟င္လာင့္ခင္းထာ္ဏွ္ ဆု္ဖူ႔ယွာၟအွ္လု္ဟွာ ေဖံဃွဳဂ္ ထံင္းလင္႓ူးသယ္ဟွံင္ ဃွဲဳးလင္ပ်ေ၀့ ေဍလံုၟဃွဳဂ္လု္မူၟဏွ္လွ္။႓းအု္ခါ့ ႓ူးဃွဳဂ္၀၀္ဏွ္ ကုဂ္႓းဟွံင္ အု္႓ူးကႜာ အု္လံုၟသးလု္ဖံႜဳးဏွ္ ေဍာဟ္စြးကု္ကာမာလွ္။
လုင္ၟသးလု္ဖႜံဳးဏွ္ ေယာ၀္ၟဆုိင္မႝီၟဏီ့ဟွာသီး ဖ၀္ၟေဏ၀္ၟေဆ၀္လွ္။ဆု္ဖူ႕ယွာ.ဍးေ၀့လုင္ၟသးဏွ္တာ ေတၞင့္႓းေ၀့ အု္သာစြးသ္ုကာ အင္းေ၀့သာထုက္ေအးေဆ၀္လွ္။ေလ၀္ထင္းေဖွ္လင့္ေ၀့ စဃႊာဍံဳအင္၀အုိ၀္လွ္။စဃႊာဏွ္ ဍးလင္ေ၀့ လုင္ၟသးေဍာဟ္ဏွ္ အင္းေ၀့သာထုက္လုိင္ေအးေဆ၀္လွ္။ ေလ၀္မာ႓ံုးထာင္ေ၀့ လု္သံဃာ့ဘာၟအုိ၀္လု္႓ႜင္ေဆ၀္လွ္။ သံဃာ့ဏွ္ အွ္ေကွ္ေ၀့ ထံင္လုင္ၟသးလင္အူးလု္႓ႜင္ လုင္ၟဖုိင္ဏွ္အွ္ေ၀့ဍး ေဍေဖါဟ္သးလု္ဟွာဏွ္လ္ွ။ ေဖါဟ္သးဏွ္မြာဲေ၀့ဍး အု္ခြါ႕ေဆ၀္ၟလွ္။ သံဃာ့ဏွ္ဍ၀္ ေဖါဟ္သးဏွ္ ထာင္ဖု္အုိ၀္ထာင္ေ၀့ ေဍစဃႊာလု္႓ႜင္ဏွ္တာ ၊ စဃႊာဏွ္ အင္း႓ူးလင္ေဏ၀္ ကဲထင္းေ၀့ စဃႊာေဖါဟ္ခြါ႔ဏွ္ေဆ၀္ၟလွ္။ ေဖါဟ္သးဏွ္ ေဍာဟ္ထင္းေ၀့ဟွံင္ အင္းကိင္အွ္ဘာၟ စဃႊာဏွ္ ထင္းဖု္ေအာ၀္ထာင္ေ၀့ လု္သံဃာ့ဘာၟအုိ၀္ေဆ၀္ၟလွ္။ေဖါဟ္သးဏွ္ လု္ယိက္လု္မ၀္ အင္းကိင္ထင္း တု္ပိုဲဏွ္ စဃႊာတုင္ၟေဏ၀္ၟထာင္ဒကာ မာတု္ပိုဲ ဍဳဂ္ဖါင္ၟထင္းဆု္႓င္ထၝာ့ ကဲထင္းေ၀့ တု္ပဦုဏွ္ေဆ၀္ၟလွ္။သံဃာ့ဖႜဟ္ထင္းထာင္အု္မိင္ဏွ္ မြာဲေ၀့ဍး တု္ပဦုဓူ၀ံဏွ္ေဆ၀္ၟလွ္။
သံဃာ့ဖါေဍာဟ္ဏွ္ဍ၀္ လ၀္ေဖွ္ေ၀့တု္ပဦုဏွ္ တု္ပဦုေဖါဟ္ေဟွး…ဏု္ယို၀္မြာဲေ၀့ဍး ဏု္ဖါၟထင္း လု္လုင္ၟသးဖုိင္ဏွ္လွ္။ဏ္ုလင္ဏု္ကႜယ္ အွ္လု္ခဲါြက႟င္ခင္းထာ္ ဍံဳေလင္ၟဖုိင္အုိ၀္လွ္။ တု္ပဦုဓူ၀ံဏွ္ ဟွဳိင့္႓းေ၀့ သံဃာ့ဆု္ခႜါင္ေ႓့ဏွ္ မု္ဟွယ့္ထာင္႓းသာ လု္အု္ဍံဳဠာန္႔ ခြဲါက႟င္ခင္းထာ္စြးဏွ္တာၟ အင္းကိင္ေ၀့ အု္သံင့္လု္သံဃာ့အွ္ဏွ္ဟွံင္ လ၀္ဟွဳိင့္႓းထာင္ စဃႊာ ဟွယ့္ထာင္ကု္ညာၟေ၀့ဍး လု္ဍံဳေလင္ၟဖုိင္ဏွ္လွ္။

ဆက္ဖတ္ရန္...

တု္ပဦုဓူ၀ံဏွ္ ဟွယ့္ထာင္ကု္ညာ ထံင္ဍံဳေလင္ၟဖုိင္ဏွ္ ေလ၀္ထင္းေ၀့ လု္ကႜံင္ခြဲါက႟င္ေခါဟ္ဍာ ကၞ၀့္ေ၀့ဓ၀္ၟလာသိုင့္႓ိင္းလွ္။တု္ပဦုဓူ၀ံ ကၞ၀့္ဓ၀္ၟဟွံင္ စာင္းလင္ထာင္ လု္ခြဲါက႟င္ခင္းထာ္ ထံင္လင္ လု္ဆု္ဍာဖုိင္ဏွ္တာၟတု္၀ါန္႔ေဖါဟ္ဆာၟသယ္ ေလ၀္လင္ကု္ပ၀္ၟသိင္းခင္းထာ္ ေဍဆင့္ေဍသာ္ အးအးဍးေ၀့ေဆ၀္ၟလွ္။တု္ပဦုအင္းစာ ေဍဆင့္ေဍသာ္ ဟွယ့္ေဆာဟ္ကံုၟသိင္းခင္းထာ္ဏွ္ မြာဲတု္ကာသယ္မု္မာဏွ္လယ့္ဨ…။
လု္႓ႜင္တု္၀ါန္႔ေဖါဟ္ဆာၟသယ္ လ၀္ပၱိင့္ဟွိဳင့္႓းေ၀့တု္ပဦု ကု္ဆာၟဖႜဲာသီး လု္ဏိင္းလု္႓ႜင္ ႓းဍဳဂ္အင္းပ္ု္က်ာ ပ၀္ၟသိင္းခင္းထာ္ ေဍဆင့္ေဍသာ္ ကို၀္ဏိင္းေဍဏွ္လွ္။ ေအလု္ပု္က်ာ ဍဳဂ္အင္း႓းစာ္႓ို၀္ အင္းေလာဟ္မာစုဂ္မာဆာ့ဟု္၊ မာနံု႔မာဏာဟု္လွ္။ ထံင္ဏွ္ တု္ပဦုဓူ၀ံခႜါင္ထင္း ႃဏု္သီးပ၀္ၟသိင္းခင္းထာ္ယို၀္ ႓းပု္က်ာဍဳဂ္အင္း ေဍဆု္သုင္းဆု္သာ ႓းမာသီ့ဆ္ုိေဖါဟ္ဆု္ဃွာၟယို၀္လင္ဟွးေလာဟ္သာ ေဍက်ာ္က္ုဆာကႜံင္ ဓ၀္ၟဖုိင္သာေအး။ေ႓့လု္႓းပ္ုက်ာ ေဍဆု္သုင္းဆု္သာ႓းသို၀္ ယု္မု္အင္းတာင္ေဖွ္ဏု္သီး႗ လ၀္ေဖွ္လင့္ေ၀့တု္ကာဟွံင္ ဏင့္ခြိက္ေ၀့ပ၀္ၟသိင္းခင္းထာ္ အု္က္ုဆာၟဏွ္လွ္။ပ၀္ၟသိင္းခင္းထာ္ ကု္ဆာၟသာမဲတု္ပဦုဓူ၀ံ တုင္ၟေ၀့တု္ပဦုဓူ၀ံ အု္ေဒၢတ္သီ့လာ လု္ကဲ႓းဏွ္တာၟ ဖူ႕လင္စာင္းဟွင္း ကို၀္ယွာပ်ဳက္အု္ႏုိ၀္ခ၀္ခ၀့္လွ္။
ပ၀္ၟသိင္းခင္းထာ္ ကု္ဆာၟဆႝးစာင္းဟွာေလ၀္ဟွာ အွ္သာ့ေ၀့ လု္ေကာ၀္မိင္လးဖုိင္ဏွ္ ႓ို၀္ဏါင္းယို၀္ကို၀္သာ့ေ၀့ ႃေကာ၀္ဏးတု္၀ါန္႔႗ ဏွ္လွ္။ တု္၀ါန္႔ေဖါဟ္ဆာၟသယ္လု္ဖး ႓ူးလင္အင္း႓းေ၀့ဆင့္ လုိင္ေအး၊ ႓းေလ၀္ခြိက္ယွိဳ၀္ေ၀့ဆင့္ လု္ေကာ၀္ဖုိ္င္ဏွ္ လုက္ခႜါလွ္။ ဆု္လင္ဆု္ကႜယ္ဏွ္ ႓ို၀္ဏါင္းယို၀္ေကာ၀္သာ့ေ၀့ ႃေကာ၀္ဆင့္သုဂ္တု္၀ါန္႔႗ ဏွ္ေဆ၀္ၟလွ္။တု္ပဦုဏွ္ အင္းမုိင့္ဒကာ ခုက္သီ့ခြိက္ သိင္းဖါေဍာဟ္ဟွံင္ တာင္ထင္းေ၀့ ေဍကႜံင္ေဖါဟ္လု္ဖႜံဳး အင္းမုိင့္႓ါ ပူဇၜဆုိင္သာ့ေ၀့ ေဍ၀ူ႔ဆး၊ အါင္သာ၊ဖႜ၀္သးသယ္ဏွ္လွ္။ ကႜံင္ဏွ္အုိ၀္ ကို၀္ထာင္ေ၀့ ကႜံင္ဓူ၀ံဏွ္ လု္ခါင့္လု္ခါင့္ယို၀္ လင္ဆုိ၀္ေဖါဟ္ လင္ဆုိ၀္လီ အးထ၀္ဏွ္ ကို၀္သာ့ေ၀့ ကႜံင္ဓူေ၀ ဏွ္ေဆ၀္ၟလွ္။
လင္ဆိက္ဖုိင္ခါ့ ဆိက္ေဖါဟ္ဆိက္ဏာၟ မာ႓ံုးမာ႓ါ အွ္ယါင္ေလ၀္လု္ထံင္႓းဏွ္တာၟ ေယာ၀္ၟထ႟ါစို၀္ ပူဇၜစို၀္သာ့ လု္အု္ယါင္သီးဟွံင္ေ၀့လွ္။ ေဏ၀္ၟေဖါဟ္ေဏ၀္ၟ၀ါ ထင္းယွာၟဏွ္ဍ၀္ ႓းေလ၀္ကု္လုိ၀္ပူဇၜယွံင္ကႜံင္ဏွ္ ထံင္အု္ထံင္ဏွ္ေဆ၀္ၟလွ္။ ကု္လုိ၀္ကႜံင္ဏွ္ မူၟေမံလု္ထုင္းဍာ္႓း ေကဟွ၀္ဏွ္ ႓းေလ၀္ကု္လုိ၀္ေ၀့ေဆ၀္ၟလွ္။ ေဍ၀ူ႕ဆး၊အါင္သာ၊ ဖႜ၀္သးဏွ္လွ္။ ဖႜ၀္သးလု္ဖႜံဳးဏွ္ ဍင္းခြိက္အု္ဖၚဟွံင္ ဍင္းဖံုၟအု္ေခါဟ္ထုိ၀္ ၀ူ႕ဆး၊အါင္သာ၊ဖူၟလးသိုင့္႓ိင္း ပႝါင့္ေဃွ၀္သိုင့္႓ံင္ ယာ့႓င္မုက္ ေဍထီ့ဆူ႔လင္ ထု္ဍိဳ၀္ခ၀့္ဖုိင္ဏွ္ ႓းကု္လုိ၀္႓ါ ယွံင္ကႜံင္ဏွ္ေဆ၀္ၟလွ္။ ကု္လုို၀္ထင္းကႜံင္ဟွံင္ တုင္ၟေဏ၀္ၟသီ့လာ၊ တုင္ၟေဏ၀္ၟသီ့လာဟွံင္ ယာ့႓င္ထီ့ဏွ္ ႓းဃွါင္းဖု္လုက္ကႜံင္ထုိုင့္မုိုင့္၀ါ ဏီ့ဟွာဏွ္လွ္။ ဍြဲထင္းေမံဟွံင္ ႓းဍင္းေထံဖါေဏ၀္ၟ ဖႜ၀္သးသိုင့္ကါင္ ၊ မီေယာတ္သိုင့္ထါင္ ေဍယာ့႓င္ထီ့ဏွ္ ႓းဆူ႔လင္ သုေျႏၵ ဏွ္လွ္။ လု္၀ီၟဍးအုိ၀္ ေလ၀္ကု္လုိ၀္ကႜံင္ဓူေ၀ခါ့ ဆု္အွ္ခုိ၀္ အင္းကွ္ ပါလုင္ၟဆုိင္၊ ဏီၟ႓းဆုိုင္အွ္လာဏင့္သီး ႓ို၀္ဏါင္းယို၀္ ဆု္ပါလုင္ၟ ဆု္အင္းကွ္ အွ္လုိင္ေအးလွ္။
ကု္လုိ၀္ကႜံင္ ယွဴးယွဴး႓ါ႓ါ မုက္မုက္လာလာသုင္းမိင့္ သာမိင့္ ကို၀္႓ႜင္ေဍလွ္။လာယာ့ဖုိင္ဏွ္ လု္ဟွ၀္ဟွ၀္ လီၟတု္၀ါန္႔၊ ယာဲတု္၀ါန္႔ ဍးခံင္ေလာတ္သာ လ၀္ဏီလ၀္ကဦု၊ လ၀္ထာင္ယွံင္ဆု္ က္ုလုဂ္ဟွင္းအာ မုက္ဆိုင့္ေလာတ္သာ ကို၀္ဟွာေဍေဆ၀္ၟလွ္။

က်၀္နႏၵာ (ထီ့ေဖါဟ္စင္)

ဆု္ထံင္ဏါင္း။ ။ေက၀္လိက္ဆာၟ ဆု္ဆံင္းမံင္းဆု္ဍးလု္ဆင့္ဏွ္လွ္။