ပါေ၀့ဍးေဆ၀္ၟလွ္။လာခုဂ္ဖုိင္ ခါင္ၟခြိက္စူးယုဂ္၊ ဏယ္ဖႜဴၟလု္ေဃွ၀္၊ ဏယ္မိင္လု္ေဃွ၀္ ေဆာတ္ဖးခြိက္ယုဂ္၊ ေဍဖႜဴၟ ေဍမိင္ဏွ္ မု္ဖံင္ေဖႜခြိက္လွ္ဟွး…၊
ဖႜဴၟဏွ္ မြာဲဆု္အု္ဏွ္၊ မိင္ဏွ္ မြာဲဆု္အု္ဏွ္ ေသွ္ယာ့ထ၀ယ္ ထီ့ထီ့ဆာဆာဟွံင္ ဟု္ေအေ၀င္ၟပြယ္ခိ္ြက္ေ၀့မ မု္ဖံင္ေဖႜ ကဲေ၀့ေဆ၀္လွ္။စင္႓ုိ၀္ လုိ၀့္ေ၀့ဍး အု္ေဍာဟ္ထုက္ဏွ္ မြာဲဆု္ေသွ္ဆု္႓း လု္ဖႜံဳးဏွ္လွ္။ ခါန္ၟပု္ယာင္ဖုိင္ယို၀္ ပု္ဖႜံဳယွင္ေဖါဟ္သီးလု္ဖး (ဒုတိယ) ဟု္မႝီၟအု္အးထုက္လွ္။ ထံင္ပု္ဖႜံဳယွင္ေဖါဟ္ဏွ္ဍ၀္ ပု္ဖႜံဳထီ့ခါန္ၟ ကႝင့္ဖုိင္ယို၀္ မြာဲပ္ုဖႜံဳယွင္ေဖါဟ္သီးလု္ဖး ဟု္မႝီၟအးေ၀့ဍး လု္ဖူ႕ေဆ၀္လွ္။ လာဏင့္ဍ၀္ ႓းဆာင့္ေဍ ဆု္ေသွ္ဆု္႓းခ၀့္မြာဲအွ္ေ႓့ေသွ္လယ့္ဏွ္ ဟု္ေအဆံင့္မံင္းေယာ၀္ၟ၊ ဟု္ေအဍြာေယာ၀္ၟစာ္႓ို၀္ ပု္မု္ေသွ္ယာ့႓း ထီ့ထီ့ဆာဆာေဆ၀္လွ္။ပု္ဖႜံဳဆုိဒ္ေဖါဟ္ယို၀္ ဏယ္အင္းဏယယ္အ၀္ က်ာ္ကု္ဆာကႜံင္ဏွ္ အးအးေလံေဆ၀္လွ္။စင္႓ို၀္ လု္သင့္ဂၞီ႕ခင့္ဖါၟ မြာဲအု္ေဟွ၀္၊ လု္ ခ၀့္ရ၀့္ဖါ ခ၀့္သီးမြာဲအု္ေဟွ၀္၊ ဆု္ေသွ္ဆု္႓းလု္ဖႜံဳးဏွ္ ဟု္ေအေယာ၀္ၟဃွံင္ ေဍ ပ္ု္ဖူၟ၀ါဲထီ့ခါန္ၟေဖါဟ္သီးစာ္႓ို၀္ အွ္ထ၀္ၟလင္ဆင့္ေ၀့ဍး ယာင္မာၟေဆ၀္ၟလွ္။
ပ္ုဆုိဒ္ေဖါဟ္ယို၀္ ညာၟစုဂ္ပါေအး -ဟု္ေအလ၀္ စာ္႓ို၀္ ေအအွ္႓း ယွဴးယွဴးမုက္မုက္၊ ေအအွ္႓း ခႜင္ခႜင့္ဏွ္႓းယုဂ္၊ ႓းဆာင့္ေဍ ဆု္ကံင္ဆု္သို၀္သီးလု္ဖး လု္ ဖႜဟ္ထင္း အု္သင့္သင့္ လင္ေတၞင့္(တု္မ်င့္)ဏွ္သီးလု္ဖး လု္ကံင္လု္သို၀္႓းသီးကဲ၊ လု္မိင္ေဟွ၀္ လု္မိင္ေဟွ၀္ ေအကံင္သို၀္႓း ေအ႓ၚထလံင္ဏွ္ ဟွံင္လွ္။ ႓းဆာင့္ေဍဆု္အင္း ဆု္အ၀္သီးဍ၀္ အု္ေယာတ္အု္ယာင္ ေထာ၀္ယး၊ ဆင့္ယးသီးလု္ဖး လု္အင္း႓းသီးကဲ၊ ထီ့လးယးအူးေအအွ္ဏွ္ဟွံင္လွ္။ ႓းဆာင့္ေဍ ဆု္ပါမုက္ပါလာသီးဍ၀္ (ဗီဒီယို၊ တီဗီ)သီးလု္ဖး လု္ေယာ၀္ၟ႓းသီးကဲ၊ လု္ဟွာေဍလု္ဟွာ မုက္မုက္ယူၟယူၟ ေအမာၟဖုိ၀္းဍိဳ၀္႓းဏွ္ ဟွံင္လွ္။ ႓းဆာင့္ေဍ ဆု္ေလ၀္ၟဆု္ထာင္ခ၀့္ဍ၀္ မု္ထင္းလု္မူၟလာၟဏွ္ လ၀္ဍာ္လု္ေဃွ၀္၊ ေဍက႟င္ယူၟ ေဍမ၀္တ၀္ကာၟ သီးလု္ဖး လု္ထုက္႓း လာဏင့္သီး ေအထုက္႓းလာင္းဏွ္ ဟွံင္လွ္။ ပု္ဆုိဒ္ေဖါဟ္ယုိ၀္ ေ႓့ဏွ္သို၀္ သုင္းသာယွဴးခႜိင္းေ၀့ေဆ၀္ၟလွ္။
ဆက္ဖတ္ရန္...
လာၟဏင့္႓ို၀္ ယွဴးခႜိင္းသီး ယွဴးခႜိင္း႓းအွ္ေ၀့ ေဍအု္လင္ၟ၊ ဆု္ေခါ၀္ၟသီး ဆု္ေခါ၀္ၟ႓းအွ္ေ၀့ ေဍအု္လင္ၟ၊ ေအလု္မြာဲ႓းစာ္႓ို၀္ ပု္ဆုိဒ္ေဖါဟ္ယို၀္ မု္႓းဍံင္ေ၀့ ေဍဆု္ဟွင္လွ္။ ဆု္လု္ ဆု္ဟွင္သီးယို၀္ ဏု္ခႜိဳ၀္လင္ထံင္ဏွ္ အွ္ေ၀့ဍး ထံင္ဏွ္ ဟွဳင္ၟဖုင္ၟထံင္ဏွ္လွ္။ ဟု္မႝီၟလု္ဟွာေဟွ၀္၊ လု္ဟွာေဟွ၀္ ဆာမြာဲမု္မာၟ႓းသာဏွ္ ႓းထံုၟေ၀့လွ္။
စင္႓ုိ၀္ ခႜိင္းဏွ္ ခႜိင္းေဍအု္လင္ၟ၊ ေခါ၀္ၟဏွ္ ႓းေခါ၀္ၟေ၀့ ေဍအု္လင္၊ ႓းအွ္ေ၀့ဍး ေ႓့ဏွ္သို၀္ေဆ၀္.လွ္။
ဆု္လု္ ဆု္ေသွ္ဆု္႓းသီးယုိ၀္ အု္ခင္းထာ္ အု္၀ီၟခႝါဏွ္ မြာဲေ၀့ လိက္လာဲလွ္။႓းဆာင့္ ေဍပ္ုဖႜံဳဆုိဒ္ေဖါဟ္ လိက္လာဲယို၀္ မြာဲဖႜဟ္ထင္း ကဲထင္း ယိက္ယိက္ယုဂ္ဟွး……၊ ဟု္ေအအင္းစာစာ္႓ို၀္ ခီအၥာတႜာပညာ့ဆာသီးလု္ဖး လ၀္လင္ေ၀့ အု္မိင္မိင္ အု္စိင္စိင္ေဆ၀္ၟလွ္။ ပု္ဖႜံဳဆုိဒ္ေဖါဟ္လိက္လာဲယို၀္ ေဍေယာ၀္ၟလိက္ဏွ္ လု္၀င့္ဃွင္ၟ လု္ခီဃွင္ၟလ၀့္သီး လ၀္ေသွ္ေဆ၀္ၟ၊ အု္ဏိင္းခ၀့္ဍ၀္သီး မု္အွ္ထင္းေ၀့ လ္ုအ္ုဏိင္း ႏဦု႔ယာ႓ႜဲ ဃွဳိ၀္းယာ႓ႜဲသီး လ၀္ေ၀့ေဆ၀္ၟ၊လု္မိင္ေဟွ၀္၊ လု္မိင္ေဟွ၀္ အွ္ဍးေ၀့ ခႜိဳ၀္ထ၀္ၟထ၀ယ္ ဏင္ၟဆင့္႓ို၀္၊
ပ္ုေ၀့ဍး ေသွ္ယာ့ပ်ဏွ္ ပု္ဆုိဒ္ေဖါဟ္လိက္လာဲယုိ၀္ အွ္ထ၀ယ္ ယိက္ယိက္ယုဂ္ဏွ္ မြာဲဍးေ၀့လွ္၊ လာဏင့္သီးေ႓့မု္ေဍာဟ္ယွာ၊ မု္စီကႜာထင္းထ၀့္သို၀္ဏွ္ ကဲထင္းေ၀့ အု္ခင္းထာ္ဏွ္ ခါန္ၟပၠံဳမူၟဏီ( ခါန္ၟဆုိဒ္ေဖါဟ္မူၟဏီ) ျပဳဂ္လင္ေ၀့ဍး လု္ဍံဳထု္အင္လု္ဏိင္းဏွ္မ ဖႜဟ္ထင္းထာင္ေ၀့ မြာဲ႓ို၀္လွ္။မု္အွ္ထင္းေ၀့ အု္ဏိင္းလီၟဆီ့႓ို၀္ဍာ္လွ္။ ေလ၀္၀ီၟေ၀့ဍး အု္ေခါဟ္ကႜိဳင္သီးလု္ဖး မြာဲေ၀့ဍး ထီ့ေလင္ၟ သင့္အၥာ မာန္က်ာ္ေတဇိႏၵ၊ ႓ံုးကၱိဳက္သင့္အၥာ မာန္က်ာ္ဥတၱမ၊ တၞိဳ၀္က္ုစိင္ဘာၟသင့္၊ သင့္အၥာ မာန္က်ာ္စႏၵနသီးလု္ဖးေဆ၀္ၟလွ္။ ႓ို၀္ဏါင္းဍးယို၀္ ေလ၀္ၟ၀ီၟေ၀့ အၥာတႜာသီးလု္ဖး အွ္လုိင္ေအးေဆ၀္ၟလွ္။ ခႜိဳ၀္ထ၀္ၟခြိက္ ပု္ဆုိဒ္ေဖါဟ္သီးလု္ဖးယုဂ္။(လု္ယိက္လု္မ၀္ခါ့ဍ၀္ ေကာ၀္က်ာ္ဘာၟ သင့္အၥာမာန္က်ာ္ပညာ၀ံသလု္ပါ ပ၀္ထႜိဳင့္ခြိက္ဍ၀္လွ္) အွ္ထ၀္ၟထာင္ေ၀့ ေကာ၀္ဍင္ သင့္အၥာ မာန္က်ာ္ ဇာဂရ လု္ပါၟသာ့လွ္။
စင္႓ုိ၀္ ေလ၀္ၟ၀ီၟတာ္၀ီၟ အု္ေခါဟ္ သင့္ဂၞီ႕အၥာတႜာသီးလု္ဖး အု္လင္ဏွ္ ပု္ေ၀့ဍး ဟွယ့္ထင္းထာင္ လု္ခါင့္ ေဖါဟ္ဍီျပီးသီးလု္ဖး မု္႓းမာေဏ၀္ၟေ၀့ အု္တာလွ္။ အု္တာဏွ္ ဟု္႓းမာေဏ၀္ၟမြာဲယုဂ္၊ လာဏင့္ ေ႓့အု္တာ မု္ဆိင့္ေဖႜ၀့္သို၀္ဏွ္ မြာဲပ္ုေ၀့ဍးသီးလု္ဖး သုဲးထီ့ေသာတ္ယါင္ မြာဲအု္ဍဳဂ္ပါင္ယုဂ္ဟွး…။လာဏင့္ မာန္က်ာ္စႏၵန လ၀္ေဆာ၀္ထး၀ယ္ေ၀့ ႃ ပ္ု္ဆုိဒ္ေဖါဟ္သီးသယ္ေဟွး.. ႓းဆာင့္ေဍ ပု္ဆုိဒ္ေဖါဟ္အု္ဟွင္ၟ ဆု္ဖၚဆု္မာ လု္မိင္မိင္ေဟွ၀္၊ ဆာမြာဲမာေသွ္မာ႓းဏွ္ မာ႓းလာလုက္ထုက္၊ထံင္ဆု္ေသွ္ဆု္႓း ဍဳဂ္ပါင္ယုိ္၀္က်းမ မု္မာၟစာ္႓ို၀္ မာ႓းလုိင္ေအး႗ ေ႓့ဏွ္သို၀္ေဆ၀္ၟလွ္။
စင္႓ိုိ၀္ ဆာမြာဲဟု္ေသွ္ဟု္႓းဏွ္ ဟု္႓းမာေ၀့ဍးလွ္၊ ကုိ၀္ဟွာေဍ ဆုိဒ္ေဖါဟ္အု္ဟွင္ ဆာမြာဲေသွ္ ကုဂ္ပ်ဳက္၊ ေ႓့ဆု္ေသွ္ ဆု္႓း မု္ဍဳဂ္ပါင္ ယိုင္က်းသို၀္ဍ၀္၊ ေကႜစိုဒ္ပ်ဳက္စာ္႓ို၀္ ပု္ဆုိဒ္ေဖါဟ္ယို၀္ ေဍဖူၟ၀ါဲထီ့ခါန္ၟသီးလု္ဖး လု္အု္ေမံယာ့ လု္ေလ၀္ၟ႓းဏင့္သီး ထ၀့္ထ၀့္ဟွံင္လု္မြာဲ႓းသီး အု္ခါင့္႓ုဂ္ထ ဟု္မု္ပ်ဳက္ကဲေ၀့ေဆ၀္ၟလွ္။
ပု္ဆုိဒ္ေဖါဟ္သီးေဟွး…ဆု္ေသွ္ဆု္႓းလု္ဖႜံဳးဏွ္ ဖု္ယာၟပႜယ္တ၀္႓းလု္ေဃွ၀္၊ ၾကိဳဒ္႓းေသွ္ယာ့၊ ႓း႗ ႓းဏွ္ ေသွ္ထ၀ယ္ဆာ္၊ ေဍခီအု္ခိင္အု္ခါ့ယို၀္ ဟု္သုင္ၟ႓း ဟု္သုင္ၟေသွ္ေအး႗ ေ႓့ဏွ္သို၀္ ခႜိဳ၀္လင္႓းသုင္းသာလု္ေဃွ၀္၊ ႃလုင္ၟေထာ၀္ခင္း ဟု္ကိက္ေအခုိင့္၊ မု္သီ့ေ၀့ လု္အွ္ဏင္ဖုိင့္႗ ေ႓့ဏွ္သို၀္သီး ခႜိဳ၀္လင္သုင္းသာလု္ေဃွ၀္၊ ဟု္ကဲထင္း မႝီၟသီးယို၀္ ေဍဆု္အင္း ဆု္အ၀္လွ္ ဟု္ပါတႜာယုဂ္ မြာဲဍာ္ေအး၊ ေဍဆု္ေသွ္ ဆု္႓းပညာ့ဏွ္ ဟု္ေအပါတႜာ ယုက္ဏွ္မ ဟု္ကဲထင္းမႝီၟအု္ခ၀့္ပု္ယ၀့္ မု္အွ္ေ၀့ဍးေဆ၀္ၟလွ္။ေဍဆု္အင္း ဆ္ုအ၀္ ယုက္ထ၀့္လာဏင့္ ဏင္ၟယာသီးေဟွ၀္၊ အု္ခ၀့္ပ္ုယ၀့္အွ္ေအး၊ ေဍဆု္ေသွ္ဆု္႓း ပညာ့ဏွ္ ဟု္ပါတႜာ႓းစာ္႓ို၀္ ဟု္ယုက္အွ္႓း ဏင္ၟဏီ ဏင္ၟသင့္သီးေဟွ၀္ အု္ခ၀့္ပု္ယ၀့္အွ္ေ၀့ဍး ေဍာဟ္မာေဆ၀္ၟလွ္။
ေအလု္မြာဲ႓းစာ္႓ို၀္ ဟု္ေအလ၀္ လု္ဆု္႓ုဂ္ထုက္ဏွ္ ဆု္ျပဳဂ္လင္လူၟတုဂ္ဖုိင္ဏွ္ ပု္ဆုိဒ္ေဖါဟ္သီးအု္ဟွင္ ပါလင္ပ်ေ၀့ဍးေဆ၀္ၟလွ္။လာဏင့္ ပု္ေ၀့ဍးသီးလု္ဖး သဲုးထီ့ေသာတ္ယာင္ လု္ဍဳဂ္ပါင္႓း အု္ေခါဟ္က်ံင္ လ၀္လင္ခႜါင္လင္ဏွ္ ၾကိဳဒ္ဟု္မု္႓း လ၀္လင္ခႜါင္လင္လာဏင့္သီး လ၀္လင္ခႜါင္လင္႓းေအးေဆ၀္ၟလွ္။ဆု္လ၀္လင္ ဆု္ခႜါင္လင္လု္ဖးဏွ္ မြာဲဟု္သာေခ၀္ၟဏွ္မြာဲေအး၊ မြာဲဆာ့႓းသာ လု္က္ုဆာဖင့္ေခါဟ္ဏွ္ ေဆ၀္ၟလွ္။စင္႓ုိ၀္ဏွ္ ပု္ဖႜံဳေဖါဟ္သီးေဟွး…. ဆု္ေသွ္ဆု္႓း ပညာ့လု္မိင္ဏွ္ ခြိက္ယွိဳ၀္ပႜယ္တ၀္႓းလာ ဏင္ၟဟွာလု္ေဃွ၀္။ဟု္သုင္ၟေဟွ၀္၊ လု္သုင္ၟေဟွ၀္၊ ၾကိဳဒ္႓းသုင္ၟခါ့ ေ႓့သို၀္ဟု္ဟွင္ မု္ေသွ္မု္ကဲသို၀္ဏွ္ ေကႜစိုဒ္အင္းဃွဴ႕ပၠံဳထ၀ယ္ဏွ္ အဲုးသာဆုိင္ လ၀္ဟွဳိင့္ ဆ၀့္ပ၀္ၟ႓းမြာဲ႓ို၀္လွ္။ ကို၀္ဟွာေဍ ႓းဆာင့္ေဍပညာ့ဏွ္ ဍဳဂ္ပါင္ယုိင္ၟက်း႓းလာကို၀္ဟွာေဍဆာ္….။
No comments:
Post a Comment