ပညာ့ဟွာင္ၟ႓်ာ

ယခင္ပို႔စ္ အဆက္

ေ႓့သို၀္သိင့္ပင္(science) တႜာပညာ့ဆာၟ အာင္းစု္တာင္း(Einstein)၊ အယ္ဒီေဆန္(Edison) လု္ဖးဏွ္ အု္သီးေ၀့ ဏင့္ဆာၟသီ့လာဏင့္သီး ပညာ့ေဍ ထု္ယ၀္အု္မိင္အု္သး လု္ဖးဏွ္ လင္မာေ၀့ ဏင္႓ႜင္ေအးေဆ၀္ၟလွ္။ အွ္ထ၀္ၟထါင္ေ၀့ လု္လိက္ေမင္ၟစိင္ဖုိင္ ထံင္အု္ခါ့ယို၀္လု္ဆင့္ ဟု္ဍး႓း၊ ပ၀္႓း ကို၀္ဟွာေဍေဆ၀္ၟလွ္။တႜာပညာ့ဆာၟသယ္ ဆု္ခုင္ၟဆု္တာ လ္ုဖးဏွ္ ထံင္အု္ခါ့ယို၀္သီး ဏု္ဏု္ယု္ယု္ အင္း႓းထာင္ အု္ဖ၀့္အု္သး ကို၀္ဟွာေဍေဆ၀္ၟလွ္။
ပု္ဖႜံဳေဖါဟ္ယွင္ေဖါဟ္သယ္သီး ေ႓့တႜာပညာ့ဆာၟသို၀္ လု္ကဲထင္း႓း ဟု္လ၀္ေသွ္ေအးေဆ၀္ၟ။မႝီၟမ၀့္မွ္လ၀့္အု္ေခါဟ္စံင္ ဟု္ေအေကႜစိုဒ္ဏွ္ ဖႜံင့္ဟွးေသွ္ေ၀့ ကို၀္ဟွာေဍေဆ၀္ၟလွ္။ ေအဟွံင္ဍ၀္ ဟု္ေအေယာ၀္ထါင္ လု္က်ာ္အု္လံင္သီး လု္ဖးဏွ္ဍ၀္ လု္ကဲထင္း က်ာ္ကု္ဆာၟခါ့အုိ၀္ မြာဲေ၀့ဍး ဟု္မႝီၟလု္ဟွာေဆ၀္ၟလွ္။ ပၱံင္ပါရမီ့( ဆု္႓ံုးခႜီ႔) ယွာၟမ ကဲထင္းထာင္ေ၀့ က်ာ္ကု္ဆာၟကႜံင္ဏွ္ လု္က်ာ္ကု္ဆာၟကႜံင္ ေမင္ၟစိင္လိက္႓ိင္းဖုိင္ ဟု္ဍး႓းေဆ၀္ၟလွ္။
စင္႓ို၀္ ဟု္မႝီၟကို၀္ဟွာေဍ မု္ကဲထင္း႓းသာ ဆု္အု္ေခါဟ္၊ အု္ေဍာဟ္ယွာၟ၊ မု္ဖႜံင့္ဟွး႓းသာ ပညာ့ဆာၟသီးမြာဲအု္ေဟွ၀္၊ ဟု္မႝီၟကို၀္ဟွာေဍ အု္ခိင့္အခါ့(အခ်ိန္အခါ)၊ ဆု္ေဏ၀္ၟသာ(အခြင့္အေရး) အွ္ေ၀့ကို၀္ဟွာေဍလွ္။ဆု္တ၀္ဆု္လံင္ လု္မိင္မိင္ မု္ေဏ၀္ၟ႓းသာ၊ မု္ဖႜံင့္ဟွး႓းသာစာ္႓ို၀္ မု္႓းအွ္ေကွ္လင္သာ ေ႓့ေသွ္လယ့္စာ္႓ို၀္ၟၟၟၟ
-မု္႓းအွ္ေဍ ဆု္ေကႜစိုဒ္၊
-မု္႓းအွ္ေဍ ဆု္ကုင္းဆု္မံင္း၊
-မု္႓းအွ္ေဍ ထီသို၀္ေဟွ၀္၊
မု္႓းအွ္ေဍ ပညာ့ဆု္ထံင္ဏါင္း၊
မု္႓းဍံင္ထုိ၀္သာ ေဍ တႜာပညာ့ဆာၟ၊
ဏင့္ဆာၟ ႓းဏယ္အးသာ၊
မု္႓းအွ္ေဍ ဆု္ပု္ေယာတ္ၟၟၟၟ
ဟု္စာ္ ပႝံင့္လု္ဖးဏွ္သီး မု္႓းဍဳဂ္ပါေ၀့ ေဆ၀္ၟလွ္။ ေ႓့အု္က်း မု္ထင္းထ၀့္သို၀္ ပု္ေအ ေထာဟ္လင္သာ အင္းေကွ္လင္သာ ေဍ ပႝံင့္ခုိင့္ခုိင့္ဏံင္ဏံင္စာ္႓ို၀္ မု္ဖႜံင့္ဟွးကဲေ၀့ ကို၀္ဟွာေဍေဆ၀္ၟလွ္။ ပု္ေ၀့သီးလု္ဖး ႓းဏွ္လယ့္ လု္ကဲထင္း မိင္ထု္ယ၀္ၟ တႜာပညာ့ဆာၟ႓းဏွ္စာ္႓ို၀္ ေ႓့လ၀္ထ လု္အု္ဖင့္ေခါဟ္ ေဍပႝံင့္သယ္လု္ဖး လု္ဍဳဂ္ပါင္႓း အု္ေခါဟ္စံင္လွ္။ ေအဟွံင္ဍ၀္ လု္ဟွာေဍလု္ဟွာ ထင္းထ၀့္ဖႜံင့္ဟွး လု္စယ္လု္ခႜဲစာ္႓ို၀္ သာကဲုေလာဟ္သာေအး၊ ေ႓့မု္လင္ဖုိဒ္သုိ၀္ ဆင္းလင္ထါင္ေ၀့ လု္႓ႜင္ဍ၀္ေဆ၀္ၟလွ္။

+ Read more

စင္႓ို၀္ ေအအွ္ေကွ္လင္သာ ေ႓့ဏွ္သို၀္စာ္႓ို၀္ ထံင္ခ၀့္လယ့္ မု္ဍးဆု္ဖႜံင့္ဟွး၊ မု္ေဏ၀္ၟဆု္ေဟွ၀္၊ ထင္းထ၀့္ေ၀့ ယ၀့္ေအးတယ္လွ္။ေ႓့မု္ထင္းထ၀့္ ဖႜံင့္ဟွးအု္ဟွင္ၟ ေ႓့မု္ေဏ၀္ၟပညာ့ဟွာင္ၟ႓်ာသို၀္ဏွ္ ဆု္လု္ေဟွ၀္႓း၊ ေဍာဟ္ယွာၟထင္းထ၀့္အု္ဟွင္ လု္မြာဲ႓း ဆု္ဖၚဆု္မာဏွ္ မု္႓းေ၀င္ၟပြယ္ခိြက္ ကို၀္ဟွာေဍေဆ၀္ၟလွ္။ခီၟအု္ခါ့ယို၀္ လိက္ပညာ့ဏွ္ ေ႓့မု္ခႜဳဂ္ခီၟသို၀္ မု္႓းေကႜစိုဒ္ ကို၀္ဟွာေဍလွ္။ ပညာ့လု္မိင္မိင္ ဟု္ေအပိုင္႓း လု္ဟွာဟွာစာ္႓ို၀္ ထင္းထ၀့္ေ၀့ကဲ ထံင္အု္က်းထုက္ေဆ၀္ၟလွ္။ ဟု္အင္းသီး လုက္ေ၀့ ဏင္႓ႜင္ေအးလွ္။ ဆု္အင္းဆု္အ၀္သီး မြဲာအု္ေဟွ၀္၊ ဖၚ႓ိင္းကံင္သို၀္သီး မြဲာအု္ေဟွ၀္၊ မႝီၟအု္က်းအု္ဟွင္ ဟွဳင္ၟခုိင့္ေသွ္ေ၀့ အွ္ဏင္မိင္ေအးလွ္။ ဆု္အင္းဟွဴး မာဟွာဟွံင္ကဲေ၀့ ကို၀္မိင္ေဆ၀္ၟလွ္။ လု္ပညာ့ဏွ္ ေ႓့ဏွ္သို၀္ ဆု္အင္းဟွဴး မာဟွာဟွံင္ေ၀့ ယ၀့္ေအးေဆ၀္ၟလွ္။
လု္အု္၀ီၟ တႜာပညာ့ဆာၟသီးလု္ဖး ဏင့္ဆာၟသီ့လာဏင့္သီး အု္မိင္ထု္ယ၀္ ေဍ အု္သီးပညာ့လု္ဖးဏွ္ အွ္ထ၀္ၟထါင္ေ၀့ ထံင္အု္ခါ့ယို၀္ ေဆ၀္ၟလွ္။ လု္အု္၀ီၟ တႜာပညာ့ဆာၟ ပၱံင္ထး၀ယ္ ပညာ့အု္ခႜီ႕အု္ဖ၀့္သယ္ဏွ္ ေယာ၀္ဍံင္ေဏ၀္ၟေ၀့ဟွံင္ ဟွယ့္ထါင္လု္ခါင့္ ပညာ့ဆာၟလု္ဖး ေ႓့မု္ထင္းထ၀့္ အးထင္းသို၀္ ပၱံင္ထာင္ေ၀့ လု္အု္သင့္လု္႓ႜင္ဍ၀္ေဆ၀္ၟလွ္။
အု္ခါ့ယို၀္ ဟု္ဍးေဍဟု္ေမံထာ္ ႓းဆါင့္လု္ ေအန္တာနယ့္(Internet) ဖုိင္ လု္ဟွာေဍ လု္ဟွာ အွ္လာဏင့္ ထံင္အု္ယါင္သီး ဍးထါင္ေလာဟ္သာ ေ႓့သို၀္ အွ္ခင္းထာ္သို၀္ ေဆ၀္ၟလွ္။ဆု္ျပိဳင့္သယ္ ဆာဃွာသာ(communication) ထုိင္ေကာ၀္ၾကင္သာ့ အု္ေခါဟ္စံင္ လု္မိင္မိင္ ဟွယ့္ကဲထင္း အု္ခါ့ယို၀္စာ္႓ို၀္ ဟု္ဍး႓း၊ ေသွ္ယာ့႓း အု္ခါ့ယို၀္ေဆ၀္ၟလွ္။ ဆု္တာင္ေဍာဟ္ထီ့ခါန္ၟဏွ္သီး မြဲာေ၀့ဍး ပညာ့ဟွာင္ၟ႓်ာလုက္ဆိင့္လွ္။
လု္ထီ့ခါန္ၟထင္းထ၀့္ ေ႓့သို၀္ (American)သယ္၊ ဥေရာပ(Europium) သယ္ဏွ္ ေသွ္ခီၟပညာ့ဆာၟ အးအးေလံ အွ္ေ၀့အု္ေခါဟ္စံင္ ထင္းထ၀့္ေ၀့ ဟု္ဍး႓းေဆ၀္ၟလွ္။
ဆု္လု္ဖးဏွ္ မြာဲေ၀့ဍး ခီၟပညာ့ ေမွ္ထာ္ခါ့ ပညာ့ဟွာင္ၟ႓်ာထၞာၟလွ္။ စင္႓ို၀္ ပု္ဖႜံဳေဖါဟ္ ယွင္ေဖါဟ္သီး ကို၀္ဟွာေဍ ေ႓့ပညာ့မု္ေသွ္၊ ေ႓့ပု္ထီ့ခါန္ၟမု္ထင္းထ၀့္သို၀္ မု္႓းေကႜစိုဒ္ကို၀္ဟွာ အု္တာအွ္ေ၀့လွ္။လု္ေမင္ၟစိင္လိက္႓ိင္းဖုိင္
ေ႓့တႜာပညာ့ဆာၟသယ္ အု္မိ္င္ထု္ယ၀္ အွ္ထ၀္ၟသို၀္ ပု္ေ၀့သီးလု္ဖး မိင္ဖႜဟ္ထု္ယ၀္ၟ မု္အွ္ထ၀္ၟအု္ဟွင္ၟ မု္႓းအင္းဃွဴ႕ေ၀့ပညာ့ဏွ္ေဆ၀္ၟလွ္။ေအေသွ္ပညာ့သယ္ဟွံင္ ေဍပညာ့ဟွာင္ၟ႓်ာဏွ္ ဏု္ဏု္ယု္ယု္ တာင္ေဍာဟ္ကဲ႓းလာ ပု္ဆုိဒ္ေဖါဟ္ဆု္ဃွီ႕လာကို၀္ဟွာေဍဆာ္ၟၟၟ။

ေစာကရင္