ဖႜံဳယွင္ေဖါဟ္ ဏိင္းထင္းသင့္မူၟဏီယုိ၀္ ကာလာလု္ ခု္ေရ၀့္ ၁၉၃၈-ဏိင္းခါ့ဍးအုိ၀္ ပၱံင္လင္ေဏ၀္ၟဟွံင္ သေလ ထါင့္ခုဂ္ေဖါဟ္ေယာတ္ထင္းလု္သင့္ဏွ္ လု္ဏိင္းလု္႓ႜင္ ဖႜံဳယွင္ေဖါဟ္ဏိင္းထင္းသင့္ေသၻင္ၟအွ္ေ၀့ထံင္အု္ခါ့ယုိ၀္ေဆ၀္.လွ္။ ဖႜံဳယွင္ေဖါဟ္ အု္ေခါဟ္ကႜဳိင္(ကႜဳ္)သယ္လု္ဖး ေ႓့မု္ေဏ၀္ၟဖႜံဳယွင္ေဖါဟ္ ဏိင္းထင္းသင့္မူၟဏီသုိ၀္ ၁၉၃၇-ဏိင္း အု္ထင္ၟဖုိင္ဏွ္ အင္းကိင္ထင္းေ၀့ လု္ေအန္ဂု္လိဂ္ ပိုင္ေခါဟ္ဆာအွ္အုိ၀္ေဆ၀္ၟလွ္။
စင္႓ို၀္ ေအန္ဂု္လိဂ္ ပိုင္ေခါဟ္ဆာၟသယ္ဏွ္ ေဖွ္လင့္ထါင္ေ၀့ ဏိင္းထင္းသင့္မူၟဏီ ပု္ယင္ဏိင္းသာထၚ ၁၂၉၉-ဏိင္း၊ သေလ ထါင့္ခုဂ္ေဖါဟ္ေယာတ္ထင္း(၁) (ျပာသိုလ္လဆန္း(၁)ရက္)ဏွ္ေဆ၀္ၟလွ္။ လာဏင့္႓ို၀္သီး ဖႜံဳယွင္ေဖါဟ္ဏိင္းထင္းသင့္မူၟဏီယုိ၀္ ဟု္ေ၀့လု္ဖး ေဏ၀္ၟ႓းေ၀့ ယ၀့္ကးကၚေအးလွ္။ ကာလာလု္ထံင္ဍာ္ ၁၉၃၈ ဏိင္းဖုိင့္ခါ့ ၁၉၃၇-ဏိင္း အု္ထင္ၟဖုိင္ဏွ္ ဖႜံဳယွင္ေဖါဟ္ အု္ေခါဟ္ကႜဳ္ ၾဆာ့ မာန္က်၀့္ စံ႓၀္(ဆရာဦးစံေဘာ္ သာယာ၀တီ)ဏွ္ ဖႜံဳယွင္ေဖါဟ္ဆုိဒ္မူၟဏီ(ကရင္အမ်ိဳးသားေန႔) အင္းကိင္ထင္းေ၀့ လု္႓ႜင္ယုဂ္၊ လာဏင့္႓ို၀္သီး ဆု္ပု္ေယာတ္ဍဳဂ္ပါင္ေအးလွ္။ စင္႓ို၀္ ဖႜံဳယွင္ေဖါဟ္ဆုိဒ္မူၟဏီ အု္လင္ဏွ္ ေဖွ္လင့္ထါင္ေ၀့ ဖႜံဳယွင္ေဖါဟ္ ဏိင္းထင္းသင့္မူၟဏီ ဏွ္လွ္။ ဆု္ေကႜစိုဒ္ ဆု္မာဆာၟဏွ္ မြာဲေ၀့ဍး ေဒါကလူ ကံုလြဲာဏွ္လွ္။
ဖႜံဳယွင္ေဖါဟ္ဏိင္းထင္းသင့္မူၟဏီယုိ၀္ ေ႓့မု္ေဏ၀္ၟ ဆု္ပႜယ္တ၀္(တရား၀င္)သို၀္ ဖႜံဳယွင္ေဖါဟ္ပႝံင့္ဆာၟအု္ေခါဟ္ကႜဳ္ လု္ဖင့္လးလု္ဆင့္ (ေအာက္လြတ္ေတာ္အမတ္)အွ္အုိ၀္ ႓းဍဳဂ္ဏဲပ်ဳက္လင္အု္ေခါဟ္က်ံင္ တင္ငူ(ေတာင္ငူ)ကႝင့္ေဖါဟ္ဆာၟ ေစာဂြ်န္ဆင္ဒီဖုိးမင္း ဏွ္ ေဖွ္လင့္အု္တာဟွံင္ လ၀္ထါင္ထီ့ဆာေ၀့ဆု္ဖၚဆု္မာေဍ တင္ငူကႝင့္ အု္ေခါဟ္ကႜဳ္ဆာၟသယ္ဏွ္လွ္။ စင္႓ို၀္ ဖႜံဳယွင္ေဖါဟ္ အင္းလင္႓ူးသင့္ေခါဟ္ ထါင့္ခုဂ္ေဖါဟ္လာဏွ္ သာလင္ဖႜိဳ၀္း မာေဏ၀္ၟေ၀့ဍးေဆ၀္ၟလွ္။
လာဏင့္႓ုိ၀္သီး ဖႜံဳယွင္ေဖါဟ္အု္ေခါဟ္ကႜဳ္ ကု္ဏင္ကု္ဏင္ဏွ္ ႓းသာ၊ သာလင္ဖႜိဳ၀္းလာဏင့္ ကု္ဏင္ဏင္ဏွ္ သာလု္လင္ဖႜိဳ၀္း႓းအု္ေခါဟ္က်ံင္ ေဏ၀္ၟေ၀့ ဏိင္းထင္းသင့္မူၟဏီ ထီ့ဆာဍာ္ေအးလွ္။ စင္႓ို၀္ ဖႜံဳယွင္ေဖါဟ္ဏိင္းသင့္မူၟဏီ ဆု္ဖၚဆု္မာယို၀္ ေ႓့မု္ထီ့ဆာသို၀္ လု္အု္ဖင့္ေခါဟ္လု္ဆင့္ တာ္ေခါဟ္ဆာၟ(အု္ေခါဟ္ကႜဳ္)(အထက္လြတ္ေတာ္အမတ္) ၾဆာ့ စံ႓၀္(ဦးစံေဘာ္)၊ ၾဆာ့ ဆာစံစီဖုိးေဍ ၾဆာ့မန္းေရႊဘ လု္ဖး ေ႓့မု္ကဲထင္းထီ့ဆာသို၀္ လ၀္ထါင္၊ အင္းတာင္ထင္းေ၀့လု္႓ႜင္ဍ၀္ေဆ၀္ၟလွ္။ ဆု္ဖၚဆု္မာယို၀္ ဍဳဂ္ဏဲပ်ဳက္လင္ေ၀့ လု္ထီ့ခါန္ၟပိုင္ဆာၟ ေဒါက္တာဘေမာ္အွ္အုိ၀္ဏွ္ ေဍ (Cabinet Executive Power) အု္ဟွာင္ၟသယ္ ေဏ၀္ၟေ၀့ ဆု္႓းသာဟွံင္ ေဒါက္တာဘေမာ္ေ၀့ ဍဳဂ္ဏဲပ်ဳက္ထင္းေ၀့ လု္ထီ့ခါန္ၟပိုင္ဆာၟ(ဘုရင္ခံ) အွ္အုိ၀္ေဆ၀္ၟလွ္။
စင္႓ို၀္ ထီ့ခါန္ၟပိုင္ဆာၟအု္ေခါဟ္ (ဘုရင္ခံ)ခ၀့္ဍ၀္ (Negotiable Instrument Act) ဆု္ဖၚဆု္မာအု္ဟွာင္ၟက်ံင္းသယ္ ညီသာ့သၞ၀့္ေ၀့အု္ေခါဟ္က်ံင္ လင္ခါင့္ထုက္ ၁၉၃၈-ဏိင္း၊ (ဇန္န၀ါရီလ (၁)ရက္ေန႔) ပု္ယင္ဏိင္းသာထၚ ၁၂၉၉-ဏိင္း၊ သေလထါင့္ခုဂ္ေဖါဟ္ေယာတ္ထင္း(၁)သင့္(ျပာသုိလ္လဆန္း(၁)ရက္ေန႔)ဏွ္ လု္ထီ့ခါန္ၟဆာၟ ဂမႜိဳင္ၟေမံယာ့ ေဖွ္လင့္ေ၀့ဍး ထီ့ခါန္ၟဆု္မာလင္ကႜယ္အွ္ပြၚမူၟဏီ(အမ်ားျပည္သူ ရံုးပိတ္ရက္၊တရား၀င္ရက္) ဏွ္ေဆ၀္ၟလွ္။စင္႓ို၀္ ဖႜံဳယွင္ေဖါဟ္ဏိင္းသင့္မူၟဏီယုိ၀္ ေဏ၀္ၟထါင္ေ၀့သာ့ ထီ့ဆာ ထံင္ၟယုိ၀္ေဆ၀္ၟလွ္။
ဍြာလင္ေဏ၀္ၟဖႜံဳယွင္ေဖါဟ္ဏိင္းသာထၚ
ပု္ေအဍြာလင္ေဏ၀္ၟဖႜံဳယွင္ေဖါဟ္ ဏိင္းသာထၚစာ္႓ို၀္ ဖႜံဳယွင္ေဖါဟ္သယ္လုက္ေခႜ ဟွယ့္လင္ထံင္ လု္ပု္ယင္ခါန္ၟမူၟဏီဏွ္ မာေဏ၀္ၟဍဳဂ္လင္ေ၀့ဍးေဆ၀္ၟလွ္။ ေ႓့သုိ၀္ ေမင္ၟစိင္လိက္ဖုိင္ဏွ္စာ္႓ုိ၀္ ဖႜံဳယွင္ေဖါဟ္ယုိ၀္ ဟွယ့္ႏုက္လင္လု္ခါန္ၟပု္ယင္ခါ့ ကံုလြဲာအွ္ေ၀့ အု္ထၚ ဏီ့ကံုလြဲာဏွ္ေဆ၀္ၟလွ္။ အု္ေမ့ယာ့လု္ကံုလြာဲဏွ္ ဟွယ့္လင္ေ၀့ လု္(တိဗက္ကုန္းျမင့္ေဒသ)တိဗက္ေခါဟ္လံင္ဏွ္ ထံင္လင္ေ၀့ လု္ ပု္ယင္ခါန္ၟ ရမဲေသန္း(ရမည္းသင္း)၊ တင္ငူ(ေတာင္ငူ)ဆု္လင္ကႜယ္ဖုိင္ ဟွယ့္လင္အွ္ေ၀့ေဆ၀္ၟလွ္။ အွ္ထ၀္ၟထါင္ လု္ကံုလြဲာဏွ္ဍ၀္ လု္တု္လုဂ္ခါန္ၟ(တရုတ္ျပည္) ယူနန္ကႝင့္အုိ၀္ ဟွယ့္လင္အွ္ေ၀့ေဆ၀္ၟလွ္။
ဖႜံဳယွင္ေဖါဟ္ အွ္လု္ လု္တု္လုဂ္ခါန္ၟ ယူနန္ကႝင့္လု္ဖး လု္မု္ဟွယ့္လင္ ပု္ယင္ခါန္ၟလု္ဆင့္ ကါင္ဖါထင္းေ၀့ ဏီ့ကံုလြဲာဏွ္ေဆ၀္ၟလွ္။ ပထမ ကံုလြဲာဏွ္ လု္ဘီစီဏိင္းသာထၚ ၁၁၂၈-ဏိင္းအု္ခါ့အုိ၀္ စါင္းလင္ေ၀့ဟွံင္ ထံင္ထါင္ ဘီစီ ၁၁၂၅-ဏိင္းခါ့ ထံင္လင္ေ၀့ လု္ပု္ယင္ခါန္ၟအုိ၀္ေဆ၀္ၟလွ္။ဒုတိယကံုလြဲာဍ၀္ ပၱံင္လင္ေဏ၀္ၟ လု္ဘီစီ ၇၄၉-ဏိင္းဏွ္ အွ္လု္ ယူနန္ကႝင့္ဖုိင္ စာင္းလင္ေ၀့ဟွံင္ ဘီစီ ၇၃၉-ဏိင္းဏွ္ ထံင္လင္ေ၀့ လု္ပု္ယင္ခါန္ၟအုိ၀္ေဆ၀္ၟလွ္။ စင္႓ို၀္ ဖႜံဳယွင္ေဖါဟ္ ဏိင္းသာထၚယုိ၀္ ဍြာလင္ေဏ၀္ၟေ၀့ လု္ဖႜံဳယွင္ေဖါဟ္ ထံင္လင္ပု္ယင္ခါန္ၟ မူၟဏီ ဘီစီ ၇၃၉-ဏိင္းဏွ္ အု္ေမံယာ့ထုက္ ပၱံင္လင္ေ၀့ ဖႜံဳယွင္ေဖါဟ္ဏိင္းသာထၚမူၟဏီဏွ္ေဆ၀္ၟလွ္။ စင္႓ုိ၀္ ဘီစီ ၇၃၉-ဏိင္းေဍ ခု္ေရ၀့္ဏိင္းဏွ္ ဍြာဃွဳက္ေ၀့(ေပါင္းေရတြက္)ဟွံင္ ကဲထင္းသာ့ေ၀့ ဖႜံဳယွင္ေဖါဟ္ ဏိင္းသာထၚ ဏွ္ေဆ၀္ၟလွ္။
မာေဏ၀္ၟလုဦတာ္ ဖႜံဳယွင္ေဖါဟ္ ဏိင္းထင္းသင့္မူၟဏီ
မု္မာေဏ၀္ၟ၊ မု္လုဦတာ္ေဏ၀္ၟ ဖႜံဳယွင္ေဖါဟ္ ဏိင္းထင္းသင့္မူၟဏီအု္ခါ့အုိ၀္ ဖႜံဳယွင္ေဖါဟ္ အု္ေခါဟ္ကႜဳင္ၟ(ကႜဳ္)သယ္လု္ဖး အု္သီး ဆု္ဆံင့္မံင္း၊သာပု္ေယာတ္ အွ္ေ၀့ သုိင့္မိင္ဏွ္ေဆ၀္ၟလွ္။
အု္ဏါင္း(၁) ကမၻာ့(လုိဒ္ၟကာ)လာထင္း(၁) သင့္(ကမၻာ့လဆန္း ဇန္န၀ါရီလ ၁ ရက္ေန႔)မူၟဏီဏွ္ သာဆု္ပု္ေယာတ္အွ္လု္ဏင္၊
အု္ဏါင္း(၂) ၾဆာ့ယုဒသန္ ဟွယ့္ထံင္လင္ပု္ယင္ခါန္ၟမူၟဏီ ဏွ္သာဆု္ပု္ေယာတ္အွ္လု္ဏင္၊
အု္ဏါင္း(၃) သေလထါင့္ခုဂ္ေဖါဟ္လာေယာတ္ထင္း(၁)သင့္(ျပာသိုလ္လဆန္း ၁ ရက္ေန႔)မူၟဏီဏွ္ သာဆု္ပု္ေယာတ္အွ္လု္ဏင္ဏွ္ေဆ၀္ၟလွ္။
အု္ဏါင္း(၁)ဏွ္ ကမၻာ့(လုိဒ္ၟကာ)လာထင္းလု္သင့္ဏွ္ မြာဲေ၀့ဍး ထုိင့္ေကာ၀္ၾကင္မူၟဏီ ႓းဆါင့္ေ၀့အု္ေခါဟ္က်ံင္ ဖႜံဳယွင္ေဖါဟ္ဏိင္းသင့္မူၟဏီ ကု္လုိဒ္ေအးလွ္။ အု္ဏါင္း(၂) ဏွ္ဍ၀္ ၾဆာ့ယုဒသန္ေ၀့ မြာဲ႓ါယြာလု္မိင္လ၀့္ အု္ေခါဟ္က်ံင္ ႓းဆါင့္လု္ ႓ါယြာလု္မြာဲ႓း ဖႜံဳယွင္ေဖါဟ္အု္ဟွင္ၟသယ္လု္ဖးဏွ္ ကု္လုိဒ္ေအးလွ္။
စင္႓ို၀္ အု္ဏါင္း(၃) ဖႜံဳယွင္ေဖါဟ္လုက္ဆိင့္ အင္းလင္႓ူးသင့္ေခါဟ္မူၟဏီဏွ္ ဃွီ႔လာ ကု္လုိဒ္ေ၀့ ကို၀္ဟွာေဍအု္ဟွင္ၟ အု္ေခါဟ္က်ံင္ သေလထါင့္ခုဂ္ေဖါဟ္လာေယာတ္ထင္းလု္သင့္(ျပာသိုလ္လဆန္း ၁ ရက္)ဏွ္ ကို၀္ဟွာေဍ သာလင္ဖႜိဳ၀္း မာေဏ၀္ၟ လုဦတာေဏ၀္ၟေ၀့ဍး ဖႜံဳယွင္ေဖါဟ္ ဏိင္းထင္းသင့္မူၟဏီဏွ္ေဆ၀္ၟလွ္။
ဆု္ထံင္ၟဏါင္း။ ။ခႜယ့္ထင္းေဏ၀္ၟလု္ မန္းသင့္ေနာင္ (ေကာ့ကရိတ္) လိက္အုဂ္ဖုိင္ အု္အိင္းလ္ုဆင့္လွ္။
စ၀္အဲထီ့ခါန္ၟ(၁၃-၁၂-၂၀၁၁)
No comments:
Post a Comment