ဟု္စာ္ဆု္ ´ဃွဴ႕` ယို၀္မြာဲဆု္ဏွ္လဲစာ္႓ို၀္ ေလ၀္ဃွဴ႕၊ထါင္ဃွဴ႕၊ အွ္ဃွဴ႕၊အင္းဃွဴ႕၊ မာဃွဴ႕၊ ပၱံင္ဃွဴ႕၊ ေကႜစိုဒ္ဃွဴ႔၊ လ၀္ဃွဴ႕၊ ဍဴဃွဴ႕၊ အဲဆုိဒ္ဃွဴ႕... မြာဲေ၀့ဍး ဆု္ဃွဴ႕သၞ၀့္ညီသာ့(သမဂၢ)ဃွဴ႕ဏွ္လ္ွ။ ကဲထင္းမႝီၟဍံဳလုက္ဖုိင္ယို၀္ တု္၀ါန္႔လု္ဖႜံဳးဏွ္ ေအဃွဴ႕ကို၀္ဟွာေဍ ေဍာဟ္ယွာၟထင္းထ၀့္ဖႜဲလွ္။ဍံဳလု္ဖႜံဳးဏွ္ ေအဃွဴ႕စာ္႓ို၀္ ေဍာဟ္ယွာၟထင္းထ၀့္ဖႜဲလွ္။ ခါန္ၟလု္႓ိင္းဏွ္ ေအဃွဴ႕ ေဍာဟ္ယွာၟ႓ွ္ယ၀့္ ထု္ယ၀္ျပာထာ့ေဆ၀္ၟလွ္။
ကဲထင္းမႝီၟ ဟု္မာေအဃွဴ႕ ဟု္ေကႜစုိဒ္ ေအဃွဴ႕စာ္႓ို၀္ ကဲထင္းလု္ေသွ္႓း အွ္ဏင္မိင္ေအး။ ေ႓့သာအွ္သို၀္ ကဲထင္းလုက္ဆိင့္လွ္။ မႝီၟလု္စုဂ္ဏွ္ အွ္ေအဃွဴ႕ ဆု္ဟွယ့္ မာ႓ုဂ္ ႓ုင္းဏင္ဟွာေအးလွ္။ မႝီၟဆုိးဒ္လု္မိင္ဏွ္ အွ္ေအဃွဴ႔၊ ေအဃွင္၊ မာေအဃွဴ႔ ေအဃွင္ ဆု္ဟွယ့္ဆင္းလင္႓ိုင္ မု္ေဏ၀္ၟသီး မြာဲေအးလွ္၊ မာေဖႜ၀္ၟ၊ အင္းေဖႜ၀္ၟ၊ ေကႜစိုဒ္ေဖႜ၀္ၟသီး မြာဲဆု္ဃွဴ႕ေဆ၀္ၟလွ္။ ေယာ၀္ၟယါင္လု္ေဃွ၀္ ေယာ၀္ၟအု္ ထံင္ ဆု္ထုင္းလီၟအါင္တုံၟဏွ္လွ္။ ဆင့္လင္သာ အု္ဟွာင္ၟ ထ၀့္႓ို၀္ထ၀့္ထ၀့္၊ မႝီၟအး႓ို၀္ အးအး စါင္းထင္းမ၀့္မွ္ ခြဲထင္းဖုိုင့္ဃွင္ ထုင္းလီၟေအသၞ၀့္ ဟု္ေယာ၀္ၟဖုိင္မုက္ ကို၀္ဟွာေဍေဆ၀္ၟလွ္။အု္ဟွာင္ၟလု္လံင္၊ ခြဲထင္းလု္ဖုိင့္ဃွင္ ထုင္းလီၟၾကင္ ဟွာစံင္းဟွာစံင္းဏွ္ ဟု္ေယာ၀္ၟဖုိင္ မုက္လုိင္ေအး။
ဆု္ဏီၟဍိဳ၀္႓းဟွံင္ ကဲထင္း တံုၟစင္ၟကႛယ္ ဆု္ေယာ၀္ၟဖုိင္မုက္ ဏင္စယ္ေအးလွ္။
ဟု္မာဆု္ ဂမႜဳိင္ၟဆု္မာသီးယို၀္ ဟု္႓းဃွဴ႕၊႓းဃွင္ ကို၀္႓ႜင္လွ္။ လု္ဃွဴ႕လု္ဃွင္ အွ္လု္ဏင္၊မီ့လု္ဏင္ စာ္႓ို၀္ဏွ္ မြာဲမု္ကဲထင္းဆု္ ဏင္မိင္ေအးလွ္။ဟု္ေအဃွဴ႕ဏွ္ဃွင္ေ၀့ဍးလွ္။ ယွာၟလ၀္ေဆာ၀္၀ယ္ေ၀့ဍး ဆု္ခႜါင္ အွ္ေဆ၀္ၟ…..´ဟု္ဖူ႔ လု္ဃွဴ႕ ဆုိဒ္လင္သူ႕၊ ဆု္ထူ႕ပါကဲခႜဟ္`….တႜာပညာ့ေက၀္လၜလင္၀ယ္ လု္လိက္ဖုိင္သီး အွ္ေဆ၀္ၟလွ္။ ´ေမ၀္ လု္ဖႜံဳး ဟု္ထာေမ၀္လု္ဖုိင္နုိင္ေအး၊ ဍိင္းလု္ဖႜံဳး ဟု္ဟွိက္အု္ေသာဟ္ေဏ၀္ၟေအး၊ စူးလု္႓ံင္ ဟု္ဖံင္းဆု္ ခိုင့္ေအး.` ယွာၟလ၀္ဆုိ၀္၀ယ္ ဆု္ခႜါင္အွ္ အု္မိင္မိင္လု္ဖးဏွ္ မြာဲ႓းမာ ေအဃွဴ႕ေအဃွင္ လ၀္ဏဲပ်ာလင္ေ၀့ ဆု္ခႜါင္လွ္။
ဆက္ဖတ္ရန္...
ဖႜ၀္သးယယ္ လု္ယယ္ဏွ္ ဟု္စိုင္ထုင္းဆု္ေသွ္ေအး။ ဖႜ၀္သးယယ္ ေအအးယယ္ တု္တြယ္ပ်ဖႜီ ဖႜ၀္သးယယ္ ေအအး ပ္ုလုဂ္ ဖံင္ေဏ၀္ၟဖႜီ ေအခုိင့္ဏံင္ ဟု္စိုင္ထုင္း က္ုဆင့္သီး ကဲေဆ၀္ၟလွ္။ လ၀္ေ၀့ေ႓့ဏွ္သို၀္လွ္။ အွ္ေအဃွဴ႕၊ မာေအဃွဴ႕ ေကႜစိုဒ္ေအဃွဴ႕ဏွ္ ဆု္ဟွယ့္ဍဳဂ္ဟု္ ေဏ၀္ၟေအး၊ ဆု္ဟွယ့္မာႏုိင္ဟု္ ေဏ၀္ၟေအး၊ ေ႓့သာအွ္သို၀္ မာကဲ၊ ပၱံင္ကဲ လုက္ခႜါလွ္။ ဏးဆု္ေသွ္ မႝီၟပညာ့အွ္ယို၀္ လ၀္ဍာ္ေဃွ၀္၊ လု္တိရိစၧာန္ေထာဟ္ဃႊိက္ေဖါဟ္သီး ယူေဏ၀္ၟ လု္လၞဆာၟကဲဍာ္လွ္။ ကႜာသီး ဆု္ေအခါ႓း အု္သို၀္ေအေဏ၀္ၟလု္႓ိင္း အု္သီးေ၀့ အင္းကွ္ဆုိင္ ဃွဴ႕ဃွဴ႕ဃွင္ဃွင္ စြးမာလွ္။ ကဲထင္းမႝီၟ ဟု္ေအဃွဴ႕ဏွ္ ေ႓့သာအွ္သို၀္ မာကဲကို၀္ုဆုိ၀္ေဍလွ္။
အု္ေမရိကံ ´အေမရိကန္` သီး ဍဳဂ္ေဏ၀္ၟထါင္ အု္သီးခါန္ၟ လု္ေအန္ဂု္လာ္ စူးဖုိင္ဏွ္သီး မြာဲဆု္ဃွဴ႕ဃွင္ေဆ၀္ၟလွ္။ ခါန္ၟလု္ခါန္ၟ မႝီၟဆုိဒ္လု္ဖး ဆု္ဍဳဂ္လု္ေဏ၀္ၟ ဏင္.႓ႜင္ လု္႓းအွ္ ဆု္ဃွာၟဃွံင္ စူး၀င့္ဖုိင္ ဏင္ၟ႓ႜင္႓းသီး မြာဲမႝီၟ ဆုိဒ္ဃွဴ႔ဃွင္ လ၀္လု္ဟွာဟံွင္ ထၞာၟလွ္။ အွ္လု္ဃွဴ႕ လု္ဃွင္ လ၀္ေလာဟ္သာ လု္ဆံင့္ဏး ေထံဖါဆိင့္ျပာ အီကါင္အုိ၀္ကါင္ မႝီၟလု္ဖးဏွ္ ဆု္ဍဳဂ္ေဏ၀္ၟယ၀့္၊ ထံင္ဆု္စူး၀င့္ဖုိင္ ယ၀့္တယ္လွ္။ သိင္းမူၟေအအွ္ ဏင္ၟခါင့္လ၀့္ဏွ္ ဏု္႓ို၀္ခါၟသူး ကႜ၀္ကႜ၀္လွ္။
ပၠံဳသိင္းမူၟထူၟ အးခါင့္ ေအအွ္ဏင္ၟတင္ ဟွာင္ၟဆံင္း႓ို၀္ဆံင္းဆံင္း ႓ို၀္ခါၟေဏ၀္ၟ ဏင္ၟ႓ႜင္လုိင္ေအးလွ္။ ေယာ၀္ၟယာင္လု္ေဃွ၀္ ေယာ၀္ၟအု္ထံင္ ဖႜံဳစဃႊာ ပါင္ၾတင့္ဍံဳဏွ္လွ္။ကာလာလု္ ဖႜံဳစဃႊာဇြဲယေသန သီ့ထႜိဳင့္ဟွံင္ မ၀္ခုိဟ္ ဍံဳေမ၀္ပၱီဏွ္ အွ္ထင္းဃႊာလု္ေခါဟ္၊ ဍံဳေလင္ၟဏွ္ အွ္ထင္းဃႊာလု္ေခါဟ္၊ ပၚစံင္ဏွ္ အွ္ထင္းဃႊာလု္ေခါဟ္ ေထံဖါဆိင္းျပာ ခါန္ၟအိင္း မႝီၟယွာလင္ဏွ္ လု္ဃွဴ႕လု္ဃွင္လုိင္႓း အု္ဟွာင္ၟယွာလင္ဏွ္ ႃေယာ၀္႗စဃႊာ ဍဳဂ္ေဏ၀္ၟခြိက္ဖႜံဳခါန္ၟ ေဏ၀္ၟခြိက္လုက္ဆိင့္လွ္။ ထၞာ့ႏူၟ လု္ဃွဴ႕ဃွင္႓း၊ အွ္ဆု္ခင္းဖင့္လ ႓းကဲဆု္ဖႜာဲ႓ံုး အု္ဆုိ၀္ဆုိ၀္လွ္။
လု္ခါင့္လု္ခါင့္ယို၀္ ´ေယာ၀္` သီးလု္ဃွဴ႕ဃွင္လုိင္႓း ပ္ုသိင့္လု္ကါင္၊ ပု္ကို၀္ၟလု္ကါင္၊ မုတၱမလု္ကါင္ ေထံဖါထင္းေ၀့ ဏွ္လွ္။ ´ပု္ယင္` ဃႊာ အာန္ေဇယ် ဍဳဂ္ေဏ၀္ၟ ´ေယာ၀္` ခါန္ၟလုက္ဆိင့္လွ္။ ´ဂ်ပန္႔`သီးယို၀္ အွ္ဃွဴ႕အွ္ဃွင္ထ၀ယ္ လု္ပၱံင္ထင္း ထီ့ခါန္ၟအုိ၀္ ခံင္ၟ႓ို၀္ဏါင္းယို၀္ ဆု္ဍဳဂ္ေဏ၀္ၟ ႓းအွ္ဆု္စူး၀င့္ဖုိင္ အွ္ဏင္ၟဆုိ၀္ဍာ္ေအးလွ္။
ေဆာင္းပါးက နည္းနည္းရွည္လုိ႔ ႏွစ္ပိုင္းခြဲျပီး တင္ေပးလုိက္မယ့္...ဖတ္ရတာ ပ်င္းမွာစိုးလုိ႔ပါ....။ကရင္စာလည္း ဖတ္ျဖစ္ေအာင္ ၾကိဳးစားျပီး အားေပးၾကပါေနာ့္..။ ေက်းဇူးကမၻာပါ...ေပ်ာ္ရႊင္ပါေစ...။
No comments:
Post a Comment