ထာေခါဟ္ေဍ လု္၀ၚ၊
မာေလာဟ္လာဆာ္၊ ဖူၟစ၀္ပၚ။(လု္၀ၚထာ္႓ံင္)
လု္၀ၚလု္ယံင္ယို၀္ အု္ခ၀့္ပု္ယ၀့္ေယာတ္၊ အင္းအ္ုလင္သီးလာဲေ၀့ တု္ယွာၟမာၟလွ္။ ဖႜံဳဆုိဒ္ေဖါဟ္ လိက္လာဲဆု္ဃွီ႔လာ
ေ႓့မု္ဟွဳင္ၟခုိင့္သို၀္ အု္ဟွင္ၟ၊ ထာေခါဟ္ဖုိင္ ေဍလု္၀ၚသယ္ဏွ္ မြာဲေ၀့ဍး အု္၀ီၟခႝါလွ္။
ဆု္လု္ထာေခါဟ္သီးယို၀္ လု္ရုဲၟေ၀့ ဟု္႓င္းဟု္ယွာၟဏင္ဟွာ ေအဟွဳိင့္ယံွင္႓း ထာေခါဟ္ လု္အု္လူၟယိုင္ထင္းယိုင္လင္ ႓းဟွ၀္သၞ၀့္စာ္႓ို၀္ မုက္ေဍဏာၟ လင္႓းေဍသာ၊ မာ႓ႜးခိြက္ေဖွ္ေ၀့ မႝီၟဍံဳလုိဒ္ၟကာေဖါဟ္သီး ဆု္ပြၚသာ ကဲဏွ္လု္မိင္၊ ထာေခါဟ္႓းဆာင့္ေ၀့ လု္ဆု္ဃွွီ႔လာ ထူ႕ရူ႕မုင္ၟ႓်ာ အု္ဟွာင္ၟက်ံင္းခ၀့္ဍ၀္ ဟွိဳင့္႓းထာင္ဏွ္တာၟ ခႜိင္းလင္ဍာ သဲုးထီ့သယ္လု္ဖး ဟွယ့္ဖႜီၟထင္းထာင္၊ သာဏင္းအု္က်း မီ့က်ဳဂ္စြးဖႜံဳလု္ဖးသီး ဏင္းဖံုၟထင္းသာ ေသွ္ကဲေ၀့ဍာ္ေဆ၀္ၟလွ္။
လိက္လု္မိင္ေဟွ၀္၊ လု္မိင္ေဟွ၀္ ဖံင့္ခုိင့္ထေ၀့ လိက္လဲာအု္ရၜသာ့ဏွ္ မြာဲလု္၀ၚလကၤာဏွ္လွ္။ ႓းလဲစာ္႓ို၀္ ဆု္လု္ဟု္အင္းဖံင့္အင္း သုိုင့္လု္ဖုိင္သီးယို၀္ ဆု္ဖၚဆု္ယး ေဟွ၀္ဍးေ၀့ ထံင္မု္ေဟွ၀္ေသွ္ ထီ့လး၊ ယးအူးေအလု္ပါ႓းစာ္႓ိုိ၀္ အု္ရၜ႓ႜါေဆ၀္၊ ဃွဲဳ႕ေ၀့ဍးတယ္လွ္။
ေ႓့ဏွ္သို၀္ေဆ၀္ၟ…လိက္လဲာလု္မိင္ဏွ္ ဆု္ခႜါင္အးဍးေ၀့ ထံင္မု္အးေသွ္ ဆု္ခႜါင္ အု္ေထာဟ္အု္ေထံ၊ လကၤာအု္ဖႜံင္အု္ဖႜ ေအလု္အွ္႓းစာ္႓ုိ၀္ အု္ရၜပု္လ၀့္ ဃွဲဳ႕ေ၀့ဍးေသွ္တယ္လွ္။
ႃထာေခါဟ္ဏွ္ ဆံင့္ဏး လူၟထာ့၊ လု္၀ၚဏွ္ ႓းေယာ၀္ၟလကၤာ႗ အၥာလု္၀ၚဆာၟသယ္ လ၀္ထ၀ယ္ ဆု္ခႜါင္ဏွ္ မြာဲေ၀့ဍး ထီ့ဆာလ္ွ။ထာေခါဟ္လု္႓ံင္ဏွ္ ႓းဆါင့္လု္ခႜါင္ခ၀့္ အု္ေသာဟ္အု္ယး ဍဳဂ္ပါင္ယုဂ္သီး ယိုင္ထင္းယိုင္လင္ ထုဂ္အု္လူၟလု္႓းဟွ၀္သၞ၀္႓းစာ္႓ို၀္ ဆံင့္ဏးဆု္ ေသာတဂမႜိဳင္ဆာၟလု္ဖး သာကဲုေ၀့ ကဲေအးတု္ယွာၟလွ္။ ေက၀္လင္ထ လု္၀ၚလု္ယံင္သီးဍ၀္ ဆု္ခႜါင္အု္ခ၀့္ ဍဳဂ္ပါင္ အု္ေသာဟ္အု္ယး ႏုက္ထုိင့္သာ အွ္အးလာဏင့္သီး ေအလု္႓းဟွ၀္ လင္ဖႜိဳ၀္း ေဍလကၤာ႓းစာ္႓ုိ၀္ တႜာပညာ့ဆာၟသယ္ မု္အဲဍိဳ၀္ သာကဲုေ၀့ ယွာခုိ၀္းလွ္။
ဆက္ဖတ္ရန္...
စင္႓ိုိ၀္ဏွ္ ပု္လိက္လာဲ အု္၀ီၟခႝါထာ္႓ံင္ မြာဲေ၀့ထာေခါဟ္ ေဍလု္၀ၚဏွ္ ဟု္ေအေသွ္ယာ့လု္႓ႜင္ ႓းပါလု္၀ီၟ ေယာ၀္ၟေဟွ၀္ မာေလာဟ္မာဍံင္ ေဏ၀္ၟထာင္ယုဂ္၊ ဖႜံဳဆုိဒ္ေဖါဟ္ ကု္ဏင္ဏင္ဏွ္ မာေလာဟ္ေဏ၀္ေ၀့ဍး ေဆ၀္ၟေအး။ လ၀္ပ်ဳက္သီးေ၀့ ႃလိက္ဖႜံဳအု္ခါ့ယို၀္ စုိင္ဍာ္ေအး၊ မြာဲမာေဏ၀္ၟေ၀့ အု္၀ီၟ ထုိ၀္႓ုဂ္သာ လု္ေယာ၀္လိက္၊ ပု္ယင္လိက္ဖုိင္အုိ၀္လွ္႗၊
ဆု္ခႜါင္ေ႓့ဏွ္သို၀္သီး ဟု္ဟွဳိင့္႓း အွ္လု္ဏင္ဏင္ေဆ၀္ၟယုဂ္။
ေဟွ၀္ယုဂ္….မႝီၟလ၀္ဆု္ ေ႓့ဏွ္သုိ၀္လ္ုဖး မု္အင္းစာေယာ၀္႓းသာ ဏင္ၟထီး။ ေယာ၀္လိက္၊ ပု္ယင္လိက္သယ္ဏွ္သီး မြာဲေလ၀္မာေဏ၀္ၟေ၀့ ထံင္ခ၀့္လဲ႗။
ကာလာလု္ ေထရ္ ႃအရဟံ႗ ေလ၀္ကု္ညာလင္ ႃသု၀ဏဘူမိ႗ ဍံဳသု္ထံု႕အု္ခါ့ဍးအုိ၀္ ေဖွ္လင့္ထ၀ယ္ေ၀့ သတ္ဂမႜိဳင္
လုက္ခႜါအု္ဟွင္ၟ ေဍပု္ဠာ္(မာဂဓ(ပါဠိ) ဘာသာ) လိက္ဏွ္လွ္ မြာဲေအးဟွး..။ ေယာ၀္အင္းမာေဏ၀္ၟ ပု္ဠာ္လိက္ဏွ္
ခႜယ့္ထင္းဍ၀္ ကဲထင္းေယာ၀္လိက္၊ ပု္ယင္သီးခႜယ့္ထင္းေဏ၀္ၟ ကဲထင္းပု္ယင္လိက္ဏွ္ ေဆ၀္ၟလွ္။
ဖႜံဳယွာၟ တႜာပညာ့ဆာၟသယ္လု္ဖးဏွ္သီး ဖံင္းဟွဳင္ၟဍံင္ထု္ိ၀္ ေဏ၀္ၟေ၀့ လိက္ပု္ဠာ္ဏွ္အုိ၀္ ခႜယ့္ထင္းသာ့ေ၀့
လိက္ဖႜံဳယို၀္ေဆ၀္ၟလွ္။ ေ႓့မု္ကဲထင္း ဆုိဒ္ေဖါဟ္လိက္ လု္မိင္သို၀္္ဏွ္ အၥာလု္၀ၚေဍာဟ္ထ၀့္သယ္လု္ဖး ထုဂ္ထင္းဥာဏ္၊
႓းထုင္ၟယွင္းသာ အု္ဆင့္ဆင့္မ၊ ဟွယ့္ကဲထင္းေ၀့ဍး မြာဲ႓ုိ္၀္လွ္။
စင္႓ို၀္… မႝီၟလ၀္တုင္ၟအင္းကွ္ ဆု္သယ္လု္ဖးဏွ္ လု္ညာစုဂ္လုိင္ အၥာလု္၀ၚဆာၟသယ္သီး အု္ဥာဏ္ဏင္ၟစယ္႓းဏွ္ လင္ဟု္ယင့္သာ႓း ေဍာဟ္တယ္လွ္။ ႃလိက္လု္အွ္ မြာဲမႝီၟမိင္၊ ဆု္ဃွီ႔ဆု္လာ အွ္ယူၟယိင္႗၊ လိက္လာဲ ဟွဳင္ၟခုိင့္လု္အွ္႓း ဆုိဒ္လု္ဆိုဒ္ဏွ္ ဆုိဒ္ဂမႜိဳင္ၟအု္ဟွဴ႕ဟွာ မု္လ၀္ေ၀့ လု္မႝီၟမိင္ဏွ္ေဆ၀္ၟ၊ လိက္လာဲလု္အွ္႓းဍ၀္ ဆု္ဃွီ႔ဆု္လာ ထူ႕ရူ႕မုင္ၟ႓်ာလု္ဖး ေက၀္ထံင္ဏါင္းထ ေဍလိက္ဖုိင္လု္အွ္႓းဏွ္တာၟ လင္ဆုိ၀္ေဖါဟ္လင္ဆုိ၀္လီ အု္စူးဖုိင္လု္႓ႜင္ မာဍံင္ထာင္ လု္႓းေ၀့လို္င္ အု္ေခါဟ္က်ံင္ ဆု္ဃွီ႔ဆု္လာထူ႔ရူ႕မုင္ၟ႓်ာ လင္မာၟခြိက္ အွ္ေ၀့ဍးယူၟယိင္က်ိဳင္းက်ံင္ေဆ၀္ၟလွ္။ဆုိဒ္ေဖါဟ္လု္ဆိုဒ္ဏွ္သီး ႓းဍံင္ေ၀့ ေ႓့သိင္းအွ္ ထီ့ေခႜါဟ္ဏါင္ တု္မႜင့္(မု္လင့္)ပးလံင္လု္ထုင္းသို၀္ ထီ့ေဆ၀္ မု္ဟွာခိုဒ္ၟခြိက္ေ၀့ဍး ယ၀့္တယ္လွ္။
ဟု္လိက္ေဍဟု္ အွ္ယုဂ္၊ မာေလာဟ္႓းသာေအး၊ မႝီၟလု္ဟွာအု္က်းဏွ္ ႓းဍံင္ေ၀့ ေ႓့ဆု္ႏုိင့္ေအွ္ဃွာၟ အု္က်းယို၀္လ၀့္သီး ဟု္လ၀္႓းကဲဳေ၀့ယုဂ္။႓းလဲ့စာ္႓ို၀္ ဆု္လု္ ဆု္ႏုိင့္ေအွ္ဟွာသီးယို၀္ အု္ဍာ္အွ္ေ၀့ဍး ဍဳဂ္ပါင္ယိုင္က်း ကို၀္မိင္ေဍလွ္။ လာၟဏင့္သီး ယူထင္းလာၟ လု္ဆု္ဖုိ၀္ဖင့္႓ွ္၊ ယူေ၀့ဍးေအး၊ သုင္းဃွဲဳ႕သာယြာ မိင့္သုင္းမိင့္သာ ပါမုက္ က်ိဳင္က်ိဳ၀္ မုက္႓းအု္သာ ထံင္ဆု္ႏုိင့္ ေအွ္ပံုလံင္ဏွ္တာၟ ကႜိက္တု္လာင္ေ၀့ဍး ထံင္အု္က်းထုက္ ယုက္အုဂ္လု္ဆင့္ဏွ္လွ္။
လိက္လာဲအွ္ယုဂ္ လု္မာေလာဟ္ေဏ၀္ၟထာင္႓း ဖႜံဳလု္ဟွာအု္က်းဏွ္ မြာဲႏုက္လင္သာ စ္ုေရင့္ထံင္ခ၀့္လယ့္ယုဂ္သီး ဟု္အင္းဏင္ခိင့္ဖါေယာ၀္ၟ ေအထီ့ဆာစာ္႓ို၀္ ေသွ္ယာ့႓း ကဲေ၀့ဍးေဆ၀္ၟလွ္။ လု္မိင္ဍ၀္ ေအ႓းလ၀္ဏွ္ ေယာ၀္၊ပု္ယင္သယ္သီးလု္ဖး ခႜယ့္ထင္းေဏ၀္ၟသီးေ၀့ လု္ေယာ၀္၊ပု္ယင္ခ၀့္ဏွ္တာၟ ကဲထင္းေ၀့ဍးဆု္ အု္သီးလိက္ထၞာၟယုဂ္၊ဖႜံဳခႜယ့္ထင္းေဏ၀္ၟထါင္လု္႓ႜင္ လု္မြာဲဍာ္ ဖႜံဳလိက္၊ မာေလာဟ္ေဏ၀္ၟကဲဍာ္ေအး၊ လ၀္ပႜ၀္ေဍႏုိ၀္ မႝီၟလု္ဟွာဏွ္ ႏုိ၀္ဆု္လ၀္ ထႜိဳင့္ေဏ၀္ၟဆု္ဍယ္႓ါသီးမလု္ကာ အု္က်းလင္ဖုိဒ္မိင္လု္ေပ၀့္ယုဂ္ေဆ၀္ၟဏွ္ ဟု္လ၀္ကဲေ၀့လွ္။
စင္႓ို၀္… အု္ေ၀့ဍးအု္က်းဏွ္ အု္ဍာ္အွ္ယုဂ္သီး ယူ႓းကးတယ္ေ၀့ေဆ၀္ၟလွ္။
ႃဏု္ဍာ္အွ္ယုဂ္ ဏု္လု္ယူ၊
ဆု္ခၚခႜဳဂ္႓ၚ ဏု္ကု္ထူ႕၊
လင္အူး႓းဍာ ဏု္အု္က်း၊
ယိက္ယိက္ဆု္ကး ဏု္မု္ဍး။
No comments:
Post a Comment