ေသွ္ယာ့လင္သာ ဖႜဳံယွင္ေဖါဟ္

လိက္ေယာ၀္.ဃွီ႕လု္႓ိင္းယုိ၀္ မု္ေက၀္လင္ ဆံင္းမံင္း၀ယ္ ယိက္မာယုဂ္ေဆ၀္.။လာဏင့္႓ုိ၀္သီး အု္ဟွာင္အု္စံင္း လု္မိက္ဍဳဂ္ပါင္႓း အု္ေခါဟ္က်ံင္ အု္ခါ့ယုိ၀္မ ေက၀္.လင္႓းေဆ၀္.လွ္။လိက္ယုိ၀္ မြာဲ႓းဏွ္လယ့္ ႓းလ၀္လင္ေ႓့ယုိ၀္စာ္႓ုိ၀္ ယု္လု္ဟွာ လု္ဖႜဳံယွင္ေဖါဟ္အု္ဖင့္ေခါဟ္ ကါင္ဖါ.႓းလာလု္ေဃွ၀္၊ အဲဆုိင့္ထာင္လာပု္ဆုိဒ္ေဖါဟ္အု္ဟွင္ သာဆု္ပု္ေယာဟ္အွ္၊ ဆု္မူ႔လာအွ္ေဍာဟ္အု္ေခါဟ္က်ံင္ လ၀္လင္႓းေ႓့ယုိ၀္ေဆ၀္.လွ္။ ဆု္မူ႕လာ ေ႓့ဖႜဳံယွင္ေဖါဟ္ မု္လင္ဆင့္၊ ေ႓့မု္ဆာ့သာ အု္ဟွင္ဏွ္ မြာဲေအးလွ္။ ေဍဖႜဳံယွင္ေဖါဟ္ အု္ဟွာင္အု္စံင္းယုိ၀္ လု္ဆု္ေသွ္ပညာ့ဆာလု္ဖးဏွ္သီး ေက၀္ဏးေသွ္လင္ ေဍလိက္ယုိ၀္ ဟု္ဍး႓း၊ပ၀္.႓းအးမာယုဂ္ေဆ၀္.ယုဂ္။ လာဏင့္သီး အွ္ဍိင္အး ဍိင္ေဟွ၀္လ၀့္ ဆံင့္မံင္းေ႓့အွ္ဏွ္သို၀္ အု္ေခါဟ္က်ံင္ အု္မးေအအွ္ လု္ေသွ္ လု္႓းသယ္ ေအအွ္ေဆ၀္.စာ္႓ို၀္ ပႜယ္တ၀္ကဲလာဆာ္။
ပု္ဖႜဳံယွင္ေဖါဟ္သယ္ယုိ၀္ လု္အု္၀ီ.အုိ၀္ အွ္ေ၀့ဍး ဃွဴ႕ဃွဴ႕ဃွင္ဃွင္၊အွ္ေ၀့ ယွဴးယွဴး႓ါ႓ါ ကို၀္ဟွာေဍလွ္။ ဆု္သာဆာ့ လု္ဖႜဳံအု္ဟွဴ႕ဟွာ အု္ဖင့္ေခါဟ္သီး အွ္ေ၀့ဏင္႓ႜင္ေအး။ လာဏင့္႓ုိ၀္သီး အ္ုခါ့ဍးယုိ၀္ ကါင္ဖါ.ထင္းသာ၊ အွ္ထင္းထာင္ေဍဆု္ဍဳဂ္ဆု္ယာ၊ ႓းဏွ္လယ့္ ႓းကါင္ဖါ.လင္ဆင့္ဏွ္ ဟု္႓းအင္းဃွဴ႕ေ၀့ အု္ထို၀္အု္ဏာ့၊ ဟု္႓းဏးေသွ္ထာင္ ကု္လိုင္ေ၀့ေဆ၀္.လွ္။ ဖႜဳံယွင္ေဖါဟ္ယုိ၀္ အွ္အု္ယုဂ္႓းထႜဳိင့္၊ သုင္းေဟွ၀္သာအြာထႜဳိင့္ဏွ္သီး ဟု္လ၀္ေသွ္ေဆ၀္.၊ မု္မႝီ.အု္ဟွဴ႔ဟွာ ဟွယ့္အင္းယူ.သီးစာ္႓ို၀္ ယ၀့္မာေဆ၀္.လွ္။

ဆက္ဖတ္ရန္...

စင္႓ုိ၀္ ဟ္ုသုင္းသာေဟွ၀္သီးယုိ၀္ လု္ဟု္ဖႜဳံယွင္ ဖင့္ေခါဟ္ သုင္းသာေဟွ၀္၊ဏယ္အင္း လုက္ဆိင့္သီး ႓းဏင္မိင္ေအး။ လာဏင့္သီး လု္ဖႜဳံဆုိဒ္ အု္ဟွဴ႕ဟွာဏွ္ သဲုးလု္မ၀့္မွ္၊ဆုိဒ္ဆးလု္မ၀့္မွ္ အု္ေခါဟ္က်ံင္ ဟု္ဏယ္အင္းေ၀့ လုက္ေခႜေသွ္ေအးလွ္။ အု္ခါ့ယုိ၀္ ဖႜဳံဆုိဒ္အု္ဟွဴ႕ဟွာ ဟွယ့္အင္းယူ.လု္ဏင္ယုဂ္သီး ဟု္လ၀္ေသွ္ေဆ၀္.လွ္။ ႓းဏွ္လယ့္စာ္႓ို၀္ ႓းကင္ဖါ.ထင္းသာ၊ ႓းပႜီပႜာအု္ခါ့ယုိ၀္ ဟု္ဍး႓းယုဂ္။
ယွာ.လ၀္ဆို၀္ဆု္ခႜါင္လု္ဖးသီး ဟု္႓းေသွ္ယာ့ ဟု္႓းဆံင္းမံင္း လင္သာ ကု္လုိင္ဆာ့မာေဆ၀္.လွ္။ ႃဟွင္းေခါဟ္အင္းယူ.ဆုိဒ္လု္လုဂ္၊ မႝီ.အင္းယူ.ဆုိဒ္လုက္ထုက္႗၊ႃ ၀၀္႓ိင္းလင္ဖါ. ေခ၀့္အင္းစုဂ္႗ ဆု္လု္ဖးဏွ္ ေဍ ႓းကင္ဖါ.ထင္းသာသယ္ အု္ဟွာင္အု္စံင္းယုိ၀္ ႓းဍံင္ေ၀့ေဍာဟ္မာလွ္။ ႓းဆါင့္ ႓ါသင့္ခါ့ ဖႜဳံေဖါဟ္သီးမြာဲအု္ေဟွ၀္၊ ဖႜဳံ႓ါယြာခ၀့္သီးမြာဲအု္ေဟွ၀္၊လယ္ကယ္ တႜာခုင္.သီးခ၀့္မြာဲအု္ေဟွ၀္ ပု္ဖႜဳံယွင္ေဖါဟ္မ၀့္မွ္လ၀့္ အု္ေခါဟ္က်ံင္
လု္ဟွာေဍလု္ဟွာ ႓းဏးေသွ္ေလာဟ္သာ၊ ႓းပႜယ္တ၀္ေလာဟ္သာ၊ ေအလု္႓းသယ္ လု္မိင္မိင္ ေအအွ္ေဆ၀္.စာ္႓ို၀္ ႓းလ၀္ပ်က္ေလာဟ္သာ၊ ႓းထ႟ါေလာဟ္သာ၊ ႓းအဲဆုိင့္ေလာဟ္သာ ကို၀္ဟွာေဍေဆ၀္.လွ္။ ထႜဳိင့္ခြိက္ဆု္္တု္ဖႜသယ္၊ ဆု္အု္မးသယ္လု္စံင္းဏွ္ မာေဏ၀္.ထာင္ဆု္ဏံင့္ယာ၊ မာေဏ၀္.ထာင္အု္ဍံင္ဟွံင္ ဟု္႓းအွ္ထာင္ ဃွဴ႕ဃွဴ႕ဃွင္ဃွင္ ႓းအု္ခါ့ဖ၀္..။ ဆု္ဃွဴ႔ဃွင္ လု္အွ္႓း ဟု္ဆုိဒ္လု္ဆုိဒ္ဏွ္ ထင္းထ၀့္ေ၀့ကဲေအးလွ္။လု္ဟွာေဍလု္ဟွာ ပႜီပႜာေအအး၊ ကင္ဖါ.ေအအး ပု္ဆုိဒ္သယ္ ဍိင္ယိက္ဍိင္မု္လင္ဆင့္ဏွ္ ဟု္လ၀္ေသွ္ေ၀့ ထီ့ဆာလွ္။ ဟု္ေအလ၀္ပၞာ့စာ္႓ုိ၀္… ဆု္လု္ဆု္ဆုိင္ထီ့သီးယုိ၀္ လု္ဖႜဳံးဏိီ့ဖႜဳံးဏွ္ ကဲထင္းေ၀့ ထီ့လု္နံဳ.ေသွ္ေအးလွ္။ ဟု္ေအပု္ကံု.ေဏ၀္ေအအး ဆု္ဆုိင္ထီ့ေအအးဖႜဳံးစာ္႓ို၀္ ထီ့မာ့ဆၞာ္၊ထီ့ပင္းလာဲသီး ကဲထင္းေ၀့ေသွ္ေဆ၀္.လွ္။ေအဟွံင္ဍ၀္… ဆု္လု္ ဍိင္းခႜီ႕သီးယုုိ၀္ လု္ဖႜဳံးဏီ့ဖႜဳံးဏွ္ ကဲထင္းေ၀့ ဍိင္းေသာဟ္ထီ့ ကဲေအးလွ္။ဟု္ေအပု္ကံု.ေဏ၀္ ေအအးစာ္႓ို၀္ မု္ကဲထင္းေ၀့ ဍိင္းေသာဟ္ထီ့ဟွံင္ ဟု္မု္အင္းေ၀့ေသွ္ေဆ၀္.လွ္။ေ႓့ဏွ္သို၀္ေဆ၀္. ပု္ဖႜဳံေဖါဟ္ယွင္ေဖါဟ္ယုိ၀္ ေအကင္ဖါ.ထင္းသာဏွ္ မု္ထင္းထ၀့္ေ၀့ လု္ယ၀့္လုိင္.အု္ေခါဟ္စံင္ ေ႓့သို၀္ ဆု္ဆုိင္ထီ့၊ ဍိင္းသးဖႜဳံးသို၀္ ပု္ကံု.ထင္းသာေအအးစာ္႓ို၀္ မူ.လု္ဏီ.မု္ထံင္ဖ၀့္တုိင္.ထီ့ဆာလွ္။ ႃပု္ေအဃွဴ႔ဃွင္ ေဍာဟ္ယွာ.ကို၀္႓ႜင္႗ဆု္လ၀္သို၀္ လု္ဟွာေဍလု္ဟွာ ပု္ေအ ဖံင္းထးစူး ခုိင့္ခုိင့္ဏံင္ဏံင္စာ္႓ို၀္ ဟု္ဆုိဒ္ဆ၊လိက္လာဲ၊ ဆု္ဃွီ႕လာသယ္လု္ဖး မု္ထင္းထ၀့္ေ၀့ ထီ့ဆာ.လွ္။
ေအဟွံင္ဍ၀္ လု္ဟွာေဍလု္ဟွာ အင္းေကွ္လင္သာ (မာန)ေဍာဟ္သီးေဟွ၀္ေအးလွ္။ဟု္အင္းေကွ္လင္သာ (မာန)ယုိ၀္သီး မြာဲေ၀့ဍး ဆု္ကင္ဖါ.လု္မိင္ေဆ၀္.လွ္။က္ုဏင္ကု္ဏင္သီး အွ္ေကွ္လင္သာ ေ႓့ဏု္ေသွ္ပညာ့သို၀္၊ယု္သီးေသွ္ေဆ၀္.၊ ေ႓့ဏု္အာဏာ့၊ပါ၀့ါ(power)အွ္သို၀္ ယု္သီးအွ္ေဆ၀္.၊ေ႓့ဏု္မာေဏ၀္.သို၀္ ယု္သီးမာေဏ၀္ေဆ၀္.ေ႓့ဏွ္သို၀္ ေအအွ္ေကွ္လင္သာေဆ၀္.စာ္႓ုိ၀္ လု္ဟွာေဍလု္ဟွာ ထံင္ခ၀့္လယ့္ ဖ၀့္တုိင္မု္ေဏ၀္.၊ဆု္ဃွဴ႔ဃွင္မု္အွ္၊ ထံင္းခ၀့္လယ့္ ဖံင္းစုဂ္ထးစူးမု္ခုိင့္၊ စင္႓ို၀္ ေအအွ္ေကွ္လင္သာေ႓့ဏွ္သီး မြာဲေ၀့ဍး ဆု္ကါင္ဖါ.လု္မိင္ေဆ၀္.လွ္။ ေအဟွံင္ဍ၀္ ဟု္ဖႜဳံယွင္ေဖါဟ္ယုိ၀္ ႓းဆာင့္ေဍပညာ့အု္ဟွာင္ခ၀့္သီး အွ္ယွာ.ဏါင္း ဆုိဒ္အု္ဟွဴ႕ဟွာဍာ္ဏွ္ ဟု္လ၀္ေသွ္ေဆ၀္.လွ္။စင္႓ို၀္ ဟွယ့္ထာင္လု္ခါင့္ ေဖါဟ္ဍီပႜီးသယ္လု္ဖး မာေလာဟ္လိက္ဏွ္ ေအအး၊ အဲလင္ဆုိင့္ထာင္လာဆုိဒ္ေ႓့မု္ေသွ္သို၀္၊ ေ႓့လု္က်ဳင္းသာ႓းသို၀္ လု္ဆု္ေသွ္ပညာ့ဆာလု္ဖးသီး အု္တာအွ္ေ၀့ ကို၀္ဟွာေဍေဆ၀္.လွ္။ ပညာ့သီးယုိ၀္ မြာဲေ၀့ဍး မု္ေလ၀္အု္က်းဖုိင္သာ ေမွ္တုိင္(ဆု္ဖါန္.)လု္မိင္ေဆ၀္.လွ္။ ဟု္ပညာ့ေအလု္အွ္႓း ဟု္မႝီ.လု္ဟွာဏွ္ ဟု္ဖႜဳံအု္ဟွဴ႕ဟွာ အင္းလိင့္ဟု္ယ၀့္၊ ဆု္မု္အင္းယူ.ဟု္ဆုိဒ္သီး ယ၀့္ေဆ၀္.လွ္။ ဆု္ေသွ္ယာ့လု္အွ္႓း၊ ပညာ့လု္အွ္႓း မႝီ.လု္ဟွာဏွ္ ေ႓့ဆု္အင္းမုိင့္သို၀္ ႓းမာေဖွ္လုက္ဆိင့္ေဆ၀္.လွ္။ လု္လိက္အင္းသံင္းဖုိင္ဏွ္ ေက၀္ထ၀္.လင္ေ၀့အွ္ ထီ့ဆာယုဂ္။ ေဟွး..ဖႜဳံေဖါဟ္..ေဟွး..ဖႜဳံေဖါဟ္ လိက္ဏွ္ ႓းလယ့္လု္မာေလာဟ္၊ စွ္ဏု္သာ..စွ္ဏု္သာ လု္ေသွ္လိက္ ေမွ္႓ႜဟ္လုက္ခႜာ…ေဟွး..ဍး႓ိုဒ္..ေဟွး..ဍး႓ိုဒ္ အဲလာဏု္လိက္ေဍစဏု္ဆိုဒ္၊ ဆု္ဟွယ့္ဖုိဒ္၊ ဆု္ဟွယ့္ဖုိဒ္၊ သၞ၀့္ဃွဴ႔ဃွင္ ဟု္႓းတုိဒ္.. ေ႓့ဏွ္သို၀္ေဆ၀္.လွ္။ လု္ဟု္မႝီ.အု္ေခါဟ္ထီး၊ဟု္မႝီ.အု္ေခါဟ္ကႜိဳင္လု္ဟွာ မု္ကဲ႓းသာသီး ဟု္ကဲေ၀့ဍး ယ၀့္ေအးေဆ၀္.လွ္။စင္႓ို၀္ မု္ကဲ႓းသာ မႝီ.ေဍာဟ္ယွာ.စီကႜာထင္းထ၀့္လု္ဟွာစာ္႓ို၀္ ဟု္႓းေကႜစိုဒ္ေ၀့ လိက္ပညာ့ဏွ္လွ္။ေအဟွံင္ဍ၀္ ကု္ဏင္ကု္ဏင္ ကဲလာဏင့္ဖႜဳံယွင္ေဖါဟ္သီး ဖႜဳံဆုိဒ္လိက္လာဲသယ္အု္ဟွာင္အု္စံင္း ဏးလု္ေသွ္႓း၊လု္ပါေသွ္ယာ့လင္သာ႓းသီး အွ္အးမာဍာ္။ ဏးေသွ္လာဏင့္သီး မု္႓းမာေလာဟ္၊ မု္႓းပ၀္လိက္လာဲဏွ္ ပ၀္ေ၀့၊ေက၀္ေ၀့ လု္ကဲ႓း ဟ္ုဖႜဳံေဖါဟ္သီး ဟု္ဍး႓း၊ခံင္႓းအးမာေဆ၀္.လွ္။ အု္ယုိ၀္ဏွ္ မြာဲေ၀့ဍး လု္ယု္ဍး႓း၊ခံင္႓း လု္ယု္ခင္းထာ္ လု္ကါင္လု္ခ၀့္ဍာ္လ၀့္၊ လု္ဟွဴ႕ဟွာသီး မု္အွ္ဍာ္အးမာေဆ၀္.ဟွး..ဏွ္ ေသွ္ယာ့လုက္ဍာ္ေအး။စင္႓ို၀္ ဟု္မႝီ.ေအအွ္ေ႓့ဏွ္သို၀္ေဆ၀္.အုိ၀္ ဖႜဳံဆုိဒ္အု္ဟွဴ႕ဟွာ ေအအင္းလိင့္၊ေအဍာနုက္လင္ လု္ဆုိဒ္အု္ဟွဴ႕ဟွာခ၀့္သီး နုက္လင္ေ၀့ယ၀့္ေဆ၀္.လွ္။
စင္႓ုိ၀္ ကဲထင္းမႝီ.လု္ဟွာ ဟု္ဆုိဒ္အု္ဟွာင္အု္က်ံင္းဏွ္ ဟု္လု္ေသွ္ယာ့႓းစာ္႓ို၀္ မြာဲပႝံင့္ဍာ္ေအးလွ္။လု္ပု္ေမ်င္စိင္.ဖုိင္ဏွ္ ေ႓့သို၀္ မိင္ေဟွ၀္မု္အွ္ထ၀္သို၀္ လု္ဟု္မာကဲ မာနုိင္လု္ဖးဏွ္ ႓းမာဍးဆု္လွ္။ ဖႜဳံယွင္ေဖါဟ္ ေအဃွဴ႔ဃွင္စာ္႓ို၀္ ဖ၀့္တုိင္ဏွ္ အွ္ေ၀့ထံင္ဟု္ခင္းထာ္ယုိ၀္လွ္။ေအဟွံင္ဍ၀္..
ဟု္ေသွ္ယာ့႓း ဖႜဳံယွင္ေဖါဟ္ ေသွ္ပညာ့၊ ခႜဳဂ္ခီခါင့္၊႓ူးလင္သာ ေဍပညာ့သယ္အွ္အးဍာ္ အု္ေခါဟ္စံင္ သုင္းမုက္သာလုိင္ သာေထာဟ္ေခ၀္.႓းေဍာဟ္မာလ၀့္။လု္ဖႜဳံယွင္ေဖါဟ္ဖင့္ေခါဟ္ ႓းသာအွ္ဃွဴ႔ဃွင္၊မူ႔လာဆုိဒ္ထင္းထ၀့္ဍးေ၀့ ေ႓့ဆုိဒ္အု္ဟွဴ႔ဟွာသို၀္ သာအွ္႓းေဆ၀္.ဏွ္ ေက၀္လင္ ဍဳဂ္ေသွ္ယာ့႓ေဍလိက္သာထင္.ယို၀္ေဆ၀္.လွ္။ယု္ေ၀့ မြာဲဖႜဳံေသွ္ပညာ့ဆာလု္ဟွာ မြာဲဍာ္ေအး။လ္ုဆု္ပ၀္.လိက္ဆာ အု္သာဖုိင္ ေအေဏ၀္.႓း (ဗဟုသုတ)လု္စယ္လု္မြယ္သီး ယု္သာမုက္ယုက္ေဆ၀္.လွ္။စင္႓ုိ၀္ ဖႜဳံ႓ါသင္ခါ့သီး မြာဲအု္ေဟွ၀္၊ ဖႜဳံ႓ါယြာသီး မြာဲအု္ေဟွ၀္၊ လုက္ဆိင့္..လုက္ဆိင့္ဖႜဳံယွင္ေဖါဟ္သယ္ကို၀္ဟွာေဍ လု္ဟွာေဍလု္ဟွာ မာနုံ႕မာဏာေလာဟ္သာလု္ေဃွ၀္.၊ဆင္းလင္႓ိုင္.ေလာဟ္သာလု္ေဃွ၀္.၊အဲဆုိင့္ထာင္ေလာဟ္သာ၊ လု္ဖႜဳံယွင္ေဖါဟ္ ဖ၀့္တုိင္အုိ၀္ ဃွဴ႔ဃွဴ႔ဃွင္ဃွင္ တု္တြယ္ထင္းစူး ေလ၀္.လာေဖႜးေဖႜးကဲလာဆာ္…..။

မူ.ယံင့္ဖါန္.(20.11.2008)