ေအ႓းဆံင့္မံင္းေယာ၀္.ထာင္ သၞ၀္စာ္႓ုိ၀္ ပု္ေ၀့ဍးသီးလု္ဖး အု္က်းေ႓့မု္ဃွီ႔လာ ထင္းထ၀့္ဍဳဂ္ပါင္သုိ၀္အ္ုဟွင္. ကာလာလု္ဟွင္ေပ၀့္ခါ့ဍးအုိ၀္ယုဂ္ စာင္းဖါထင္း ေဍေမာ၀္.ေဍဖါၟ၊ ထီသို၀္ေဍတု္၀ါန္႔လင္ဍာဟွံင္ လု္ပညာ့ေမာ၀္.တုိင္အွ္အု္လင္.၊ လု္ပညာ့အွ္လင္ကႜယ္ လု္ဍဳံေဍာဟ္ယာ.ထ၀့္ဖုိင္၊ (ေအလု္မြာဲ႓း)လု္ခါန္.မု္ညာဏွ္အုိ၀္ လု္ဟွာဟွာ ေ႓့ဆု္ပု္ေယာဟ္အွ္သို၀္ လံင္အင္းေဏ၀္.ေ၀့ ပညာ့၊ ဆု္ဏးေသွ္အု္ဟွင္ ၊ ပညာ့ေအဍဳဂ္ပါင္စာ္႓ို၀္ လု္အု္ေသွ္ေ၀့ေဍပညာ့အု္ဟွင္ဏွ္ အု္လင္သယ္အွ္ေ၀့အးမာေဆ၀္လွ္။
ဆု္လု္ လံု.လာင့္သီးယုိ၀္ အွ္လာဏင့္အးသီး မု္ဟွယ့္ကဲထင္း လံု.မႝိက္လု္မူ႔မူ႔သီး ကးမာေဆ၀္လွ္။ ေ႓့ဏွ္သို၀္ေဆ၀္.ဟု္မႝီ.ပညာ့ဆာ. မု္ဟွယ့္ကဲထင္း လု္ဟွာဟွာသီးယုိ၀္ ကးမာေဆ၀္.လွ္။ မု္႓းတုင္.ပါင္သာ၊ မု္႓းထုင္.လုက္သာေဍ ေစ၀္ဆးဟွာင္.႓်ာ၊ေဍ အု္ခိင့္အု္ခ့ါ အးမာေဆ၀္.လွ္။စင္႓ုိ၀္ လု္ဏင္ဏင္ဏွ္သီး ေလ၀္.မာေလာဟ္ပညာ့ခါ့ ဆု္ပု္ေယာဟ္ ဍိင္ခိင့္အွ္လု္ဏင္၊ ပံင္ထီသို၀္မး ခင္းခ့ါတုု္ဖႜးေ၀့အု္ေဖါဟ္က်ံင္ လု္ထံင္ဍာ္ ပညာ့ဖ၀့္တုိင္ ဆု္႓ံု.ဆုိင္ဏွ္ အု္က်းလင္႓ုိင္. ႓းဟွာဟွံင္ခြိက္ေ၀့ အးမာယုဂ္ေဆ၀္.လွ္။လု္ဆု္ပု္ေယာဟ္ဖံင့္ေခါဟ္ အွ္ေကွ္သာနုိင္. ဆု္ေကႜစို၀္အွ္ ဟု္သီးလု္ဖးဏွ္လ၀့္ ထံင္ဟွးေ၀့ လု္ပညာ့ဖ၀့္တုိင္ဟွံင္ ဃွီ႔လာထင္းထ၀့္ အု္က်းဏွ္ ေဏ၀္.႓းထာင္ေ၀့ဍးေဆ၀္.လွ္။ မု္ကဲထင္း႓းသာ တႜာပညာ့ဆာ.၊ ဆိုဒ္သာ႓ံင္၊ ဆုိဒ္႓ံင္သင့္သီးလု္ဖး မု္လ၀္႓းသာ ဆု္လု္ဟု္ပံင္ထီ.သို၀္သီးယုိ၀္ ဟု္႓းေယာ၀္စို၀္ေ၀့ ေဍာဟ္မာလွ္။
ဆက္ဖတ္ရန္...
ပံင္ထီသို၀္မး အု္က်းဟွာဟွံင္ ႓းဟွာဖႜဳိ၀္ ႓းဟွဳင့္ပႜ၀္ခြိက္ ဟု္မႝီ.သီးလု္ဖး ဟု္ဍး႓းေ၀့အးအု္ေခါဟ္က်ံင္ လင္ဟု္႓းသၱာ္ေဍာဟ္မာေဆ၀္လွ္။ေဏ၀္.ၾဆာ့ေဟွ၀္ ပံင္ထီသို၀္႓း အု္က်းဃွီ႔လာ ထင္းထ၀့္ ဟု္မႝီ.လု္ဖးဏွ္သီး ဟု္ဍး႓းေ၀့တယ္ အးမာေဆ၀္.လွ္။ဟု္ေအအင္းဏင္ ခိင့္ဖါေယာ၀္.စာ္႓ုိ၀္ ဟု္မႝီ.လု္ဟွာဟွာသီးယုိ၀္ ေမာ၀္.ဖါၟၾဆာ့သယ္ အင္းခံင့္ထ႟ာ ဆု္မာ႓ုိ၀္မာဆုိင္ ေအလု္ေဏ၀္.႓း ဟု္လု္ဟွာဏွ္ မု္ကဲထင္းေ၀့ ဖႜဳံထု္ယ၀္.တ၀္ ဆု္ေသွ္ဆု္႓းအွ္ဍဳဂ္ပါင္ တႜာပညာ့ဆာလု္ဟွာ ကးေ၀့တယ္ေဍာဟ္မာ.လွ္။
စင္႓ုိ၀္ ေမာ၀္.ဖါၟၾဆာ့သီး အု္ဂုဏ္တာယုိ၀္ အွ္ေ၀့ေဍာဟ္မာ.၊ ဟု္သာဏင္းေ၀့ေသွ္ေအးလွ္။ေသွ္ယာ့ဆု္ဂုဏ္တာ၊ အု္ဏာ.ယ၀့္၊ အင္းဏင္ခိင့္ဖါ.ဆု္႓း ဟု္မႝီ.လု္ဟွာဏွ္ အု္က်းေ႓့မု္ေဟွ၀္သို၀္အု္ဟွင္. အု္ဏင့္ဆာ.ေဍအု္ ယုက္လင္ေ၀့အု္သာ လု္ဆု္ေသွ္ယာ့ဖင့္ေခါဟ္ ေသွ္လ၀့္အု္ေခါဟ္က်ံင္ လင္ဟု္အင္းအုဂ္ ပါေဍာဟ္ေ၀့ဆာ့မာလွ္။ဟ္ုဟွယ့္ဒွ္ထင္း ဟု္မႝီ.လု္ဟွာသီးယုိ၀္ အု္တာေဍအု္တာ အွ္ေ၀့ဍဳဂ္ပါင္ အင္းဟွးစို၀္ထင့္ေ၀့ အု္ကု္ဆာ.ဏွ္ကႜဳ္လ၀့္။ဟွယ့္ကဲထင္း မႝီ.ယုဂ္ ဆုိဒ္ဆးဘာ.သာ့ ထီ့ခါန္.သယ္အု္ဟွင္.ဏွ္ လု္မိင္မိင္မြာဲအု္ေဟွ၀္၊ ဟု္လု္ဆံင့္ဏးဃွဳက္႓း ဟု္အွ္ေ၀့ေသွ္ဍာ္ေအး။ ဟွယ့္ေ၀့လု္မဂၤလာဓ၀္.အု္ဖႜံင္ဖိုင္ ႃေလာကတၳစရိယာ၊ ဥာတတၳစရိယာ၊( လုိဒ္ကာအု္ဟွင္၊ ထီသို၀္ဆုိင့္ဆာ ေမာ၀္.ဖါ.အု္ဟွင္.၊ထီ့ခါန္.အု္ဟွင္.)အွ္ေ၀့ေ႓့ဏွ္သို၀္ ဟွယ့္ကဲထင္းမႝီ.အု္က်းဆု္ဂဳဏ္တာေ႓့မု္အွ္သို၀္အု္ဟွင္ၟ၊ဆုိဒ္ဆး၊ဘာ.သာ့၊ထီ့ခါန္.ဆု္ဖၚဆု္မာသယ္သီးလု္ဖး လု္ဟု္ေသွ္ဟု္႓း လု္မိင္မိင္ဏွ္ ဟု္႓းမာပ်ဳက္ေ၀့ေဆ၀္.လွ္။
ထႜဳိင့္ခြိက္ အၥာတႜာပညာ့ဆာ.၊ သိပၸံ(သိင့္ပင့္)ပညာ့ဆာ.သယ္သီးလု္ဖး ေဍအု္သီးေ၀့ ဆု္မူ႔လာ.၊ဆု္ေယာ၀္.စို၀္၊ အု္သီးေ၀့ အင္းတာင္ပၱံင္ထး အု္စူးလင္.ဆု္ေသွ္ဆု္႓း၊ ဆု္ကုံး(ကုင္း)ဆု္မံင္းသယ္လု္ဖး အွ္လင္ဆင့္ထာင္၊ ဟု္မႝီ.လု္ခါင့္အု္ဟွင္.အင္း႓းအ၀္႓းထာင္ေ၀့ဟု္ပညာ့ဆာ.အု္လာ.သီးအးမာေဆ၀္.လွ္။ကံုး(ကုင္း)တာင္ဆံင့္မံင္း ဆု္ေသွ္ဆု္႓း ခီ.ပညာ့(သိပၸံပညာ)သီးယုိ၀္ လုိဒ္.ကာဟ္ုမႝီ.လု္ဖးအု္ဟွင္.ဆု္ဂဳဏ္တာ ေဍာဟ္ေ၀့ဆာ့မာလွ္။ သိင့္ပင့္(သိပၸံ)ပညာ့သီးယုိ၀္ ဟု္ဖႜဳံဆုိဒ္ေဖါဟ္ လု္ဟွာအု္ဟွင္. ဟု္ကံုးအင္းတာင္ မာေလာဟ္ေဏ၀္.လု္ေသွ္႓းဏွ္ ဟု္လ၀္ေသွ္ဍာ္ေအး။ဟု္ဆု္႓းသာ၊ ဟု္ဆု္ပု္ေယာဟ္၊ ဆု္မူ႔လာ.ေအအွ္ေဍာဟ္ေဆ၀္.စာ္႓ုိ၀္ ေ႓့ဆုိဒ္ဃွာ.ဃွံင္သယ္ အု္သီးေ၀့ ကံုးတာင္ေသွ္သို၀္ ဟု္ဖႜဳံဆုိဒ္ေဖါဟ္လု္ဟွာသီး ဏးေသွ္ကႜဳ္ခႜင့္ ဖႜံင့္ဟွးသိင့္ပင့္(သိပၸံ)ပညာ့ဆာ.လု္ဟွာ ကဲထင္းေ၀့ေသွ္ဍး ဆု္လွ္။အု္ခိင္ခ့ါ ေဍဆု္သာအွ္သယ္လု္ဖး ေအ႓းဟွ၀္.သၞဳိ၀္စာ္႓ို၀္ မု္ကဲထင္းေဏ၀္.ေ၀့ ထီ့ဆာဏွ္ ဟု္လ၀္ေသွ္ေဆ၀္.လွ္။
ဆုိဒ္သာ႓ံင္သီးကို၀္ဟွာေဍ ခီ.အု္ခါ့ဍးယုိ၀္ ထုိင္.ေကာ၀္ၾကင္သာ့ ဆု္ကံုးဆု္မံင္း၊ ဆု္ေသွ္ဆု္႓း ခီ.ပညာ့သယ္၊ သိင့္ပင့္(သိပၸံ)ပညာ့သယ္ အု္ေထာဟ္အ္ုဆင့္ထ၀့္ လု္မိင္ဟွံင္လု္မိင္ အင္းလယ္ထင္းသာကႜဳ္လွ္။ဖႜဳံဆုိဒ္ေဖါဟ္သာ႓ံင္သီးလု္ဖး စာင္းပ၀္.ကႜဳင္ အင္းအ၀္ပါမုက္ဟွံင္ ဍဳဂ္လုက္ပႜ၀္ခြိက္လာ.အု္ခ့ါဏွ္လု္ေဃွ၀္။လု္ခီ.အင္းလယ္ထင္းသာ အု္ဖင့္ေခါဟ္ ေ႓့ဟု္လံင္မ္ုခႜဳဂ္သို၀္၊ ဆုိဒ္လု္ဆိုဒ္ေဍာဟ္ယွာ.ထင္းထ၀့္အု္ဟွင္ ဆုိဒ္သာ႓းေဖါဟ္သယ္ကို၀္ဟွာေဍ ဆု္ပု္ေယာဟ္ေဍာဟ္အွ္လာ လု္ပညာ့ဖင့္ေခါဟ္၊ မာေလာဟ္ေဏ၀္.လာ ေအဍဳဂ္ပါင္ဟွံင္ တာင္ေဍာဟ္ကု္ယုိင့္ဆုိင္ထင္းလာ.လု္ပု္ဆုိဒ္သာ႓ံင္ အု္ဟွင္ဏွ္ ကဲ႓းလာဆာ္။ေဍပု္ဆုိဒ္အု္ဟွင္ လု္ပု္မာေသွ္ အု္တာလု္မိင္မိင္သီးမြာဲအု္ေဟွ၀္ၟ၊ ဏု္မာေအဍဳဂ္ပါင္စာ္႓ို၀္ ဖႜဳံဆုိဒ္ေဖါဟ္ ထု္ယ၀္.တ၀္လု္ဟွာ ဟု္အင္းအုဂ္ေ႓့မု္ေသွ္သို၀္ဟွံင္ၟ၊ ဏု္အု္ဟွင္ လု္ဆုိဒ္ဖင့္ေခါဟ္ ေမင္စိင္.မု္အွ္ထ၀္.ေ၀့ဃွီ႔ဃွီ႔လာလာဏွ္ေဆ၀္.လွ္။
အဲလင္ဆုိဒ္တာင္ေဍာဟ္ထီ့ခါန္. မု္တာ္ေခါဟ္လု္ယာ့ ေ႓့မု္ေသွ္သို၀္ ခႜဳိ၀္လင္သာဖႜဳံလု္ဟွာဏွ္ ေဒၢတ္သီးမု္႓းေဟွ၀္၊ ပညာ့သီးမု္႓းအွ္၊ လု္ဟွာ ေဍအးဟွာအု္ဟွာင္.အု္က်ံင္း ေအဟွယ့္ဖႜဟ္ထင္းဖ၀္.စာ္႓ို၀္ အးဟွာအု္ဟွင္ဏွ္ မု္႓းေယာ၀္.ေ၀့ဟွံင္ သာဍြယ္ဆု္ယင့္သာ တုင္.ကု္ဆုဂ္ မု္႓းအွ္ေ၀့ေဍာဟ္မာလွ္။ ေ႓့ဏွ္သုိ၀္မ ဂမႜိဳင္.အးဟွာ အဲကဲု.ဆုိင့္ဟု္မု္ကဲ တာ္ေခါဟ္ဆာ.လု္ဟွာေဆ၀္လွ္။လု္ဂမႜဳိင္.အးဟွာအွ္ လင့္ခါင့္ထုက္ ေအလု္ေဏ၀္.႓း ဆု္အင္းအုဂ္လာဏင့္သီး ဆု္အင္းကွ္သယ္လု္ဖး မု္ဖံင္ေဖႜခြိက္ေ၀့ကဲေဆ၀္.လွ္။
ညာ.စုဂ္ပါေအး ေအလ၀္႓းတ၀္တ၀္စာ႓ုိ၀္ေမံသးထာ္ အု္ခါ့ဍးယုိ၀္ ဂၞီ႕သင့္ကံု.ရြာဲဖုိင္ခ၀့္မြာဲအု္ေဟွ၀္၊ အု္ဍံင္းအု္ဖူ႔အး ဖံင္းစူးဖံင္းကံု.ရြာဲခ၀့္သီးမြာဲအု္ေဟွ၀္ ဟု္ေလ၀္.ထံင္ ဆု္လင္လု္စံင္းစံင္း ဟု္ဟွဳိင့္႓းေ၀့ ဆု္လ၀္အု္သီးက်ံင္၊ ဆု္တုင္ကင္ကာ အု္သီးဏွ္ အးမာေဆ၀္.လွ္။ႃပညာ့အွ္ သၱာ္လင္ထံင္.႗ေ႓့လု္ကဲထင္း ေ႓့ဏွ္သို၀္႓းသို၀္ ေလ၀္ဆု္ေမံယာ့ ဂၞီ႕သင့္သီးမြာဲအု္ေဟွ၀္၊ ဖံင္းစူးဖံင္းဆာ.သီးမြာဲအု္ေဟွ၀္ လု္ပ္ုဆုိဒ္ဘာ.သာ့ဖင့္ေခါဟ္ တ၀္လံင္သုင္းသာ အဲကဲု.ဆုိင့္ထာင္ဟွံင္၊ ဆုိဒ္ဘာ.သာ့၊ထီ့ခါန္. ေဍာဟ္ယွာ.စီကႜာထင္းထ၀့္အု္ဟွင္. အု္ေဟွ၀္ထုက္ ဆု္ပု္ေယာဟ္၊ အု္႓းထုက္ ပႝံင့္၊ ဆု္ေယာ၀္စို၀္သီးလု္ဖး စွ္ေအကႜဳ္၊ ေယာ၀္.ေအဖႜဟ္ဟွံင္ ဆု္အင္းကွ္ ဖု္ယိက္ကင္ကာ ေ႓့မု္ဖံင္သို၀္ လု္ဟွာဟွာ အု္တာလင္႓းဏွ္ မာလာ.ထံင္အု္ဍဳဂ္ပါင္။
ဟွယ့္ကဲထင္းမႝီ.အု္က်း ေ႓့လု္ဟံု႔ပႜ၀္႓းသို၀္ ေဍာဟ္ယွာ.ထင္းထ၀့္ခြိက္ ထီ့ခါန္.၊ဆုိဒ္ဆ၊ တႜာပညာ့ဆာ.သယ္လု္ဖးဏွ္ ေယာ၀္.ေဏ၀္ၟလာအု္ဍံင္ဟွံင္ ေခါဟ္ႏုက္ဃွွီး ေမံထီ့သာဖါန္. သုင္းသာနုိင္ ဖႜဳံဆုိဒ္အု္ဟွင္. ဆုိဒ္သာ႓ံင္ (ဖႜဳံဆုိဒ္ေဖါဟ္)ဏု္ေ၀့လု္ဟွာ အင္းတာင္ပၱံင္ကဲလာဆာ္။
မု္ထံင္ထာင္ ၂၀၀၈-ဒီဇင္ဘာ(၂၇)သင့္ ပု္ဖႜဳံယွင္ေဖါဟ္ ဏိင္းထင္းသင့္မူ.ဏီအု္ဟွင္...ပါထု္ယ၀္႓း ေဍလိက္ေယာ၀္.ဃွီ႔လု္႓ိင္း ယုို၀္ေဆ၀္.လွ္……။
No comments:
Post a Comment